Ballkani ka fituar Superkupën e Kosovës, pasi mposhti minimalisht në finale Llapin me rezultat 1:0.
Ndeshja që u luajt në Belek të Turqisë, ishte e baraspeshuar, ku të dy skuadrat kishin kujdes të shtuar.
Pjesa e parë e ndeshjes përfundoi me rezultat të barabartë, por therandasit kishin një avantazh numerik.
Në minutën e 28-të të ndeshjes, Llapi mbeti me një futbollist më pak në fushë, pasi Bekim Maliqi u ndëshkua me karton të kuq, pas dy të verdhëve në ndërhyrjen ndaj Nazmi Gripshit.
Goli i vetëm i ndeshjes erdhi në minutën e 62-të, ku shënoi Lumbardh Dellova pas asistimit të Armend Thaqit.
Deri në fund të ndeshjes, Ballkani kërkoi edhe golin e sigurisë, por nuk arriti ta gjente atë, por goli i shënuar nga Dellova rezultoi të ishte i mjaftueshëm që Ballkani të shpallet kampion.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Rama i shpërfill akuzat e Belerit, i quan histori të politikës greke
-
Kompanitë privatët ia kalojnë HEC-eve shtetërore, sipas bilancit të tremujorit të parë
-
Mitsotakis: Iniciativa e presidentes së Maqedonisë së Veriut është e paligjshme dhe e palejueshme
-
Raundi i 7-të për dinarin gjatë javës – rasti i fundit për zgjidhje apo vazhdimësi e krizës?
