Novak Djokoviç do të dëbohet nga Australia përpara Australian Open.
Të dielën e 16 janarit mori fund një përplasje e vërtetë mes tenistit serb dhe autoriteteve australiane.
Gjykata federale hodhi poshtë apelin e numrit 1 të botës për të rivendosur vizën e tij.
Vendimi pengon përpjekjen e Djokoviç-it për të fituar kurorën e 10-të të Australian Open dhe Grand Slam-in e 21-të.
Gjatë seancës, këshilltari i ministrit, Stephen Lloyd, argumentoi se Australia “nuk duhet të jetë e detyruar të vuajë praninë e një të huaji nga frika se çfarë mund të ndodhë nëse ata dëbohen”.
Përdorimi i fuqisë ministrore për të anuluar një vizë vjen me një ndalim tre-vjeçar të ri-hyrjes në Australi.
Përballja
Djokoviç mbërriti në Australi mbrëmjen e 5 janarit.
Ai besonte se një vizë e dhënë më 18 nëntor dhe një përjashtim mjekësor i miratuar nga Federata Australiane e Tenisit do të mjaftonin për të hyrë në Australi.
Viza u anulua fillimisht nga Forcat Kufitare Australiane disa orë pasi ai mbërriti në aeroportin e Melburnit dhe ai u dërgua në një hotel paraburgimi.
Të hënën, një gjykatës i gjykatës federale të qarkut rivendosi vizën e Djokoviç-it.
Ai arriti në përfundimin se ishte e paarsyeshme që ABF-ja të refuzonte një marrëveshje për t’i dhënë atij më shumë kohë.
Pas një diskutimi njëjavor, Hawke anuloi përsëri vizën e Djokoviç-it me arsyetimin e ri se prania e tij mund të ishte një rrezik për “shëndetin dhe rendin e mirë”.
Kryeministri australian, Scott Morrison, mbështeti vendimin e anulimit.
Për Morrison, australianët kishin “bërë shumë sakrifica gjatë kësaj pandemie dhe ata me të drejtë presin që rezultati i atyre sakrificave të mbrohen”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Të ‘mbarojmë punë me Rai-n’, pastaj radha për interpelancë me Bardhin, thotë Rama
-
SPAK përfundon hetimet për ish-përgjegjësit e IKMT Sarandë, dërgon çështjen në GJKKO
-
Blinken dhe Xi takohen, duan ‘partneritet, jo rivalitet’
-
Rashiç beson se Qeveria do ta dërgojë draft-statutin e Asociacionit në Kushtetuese para anëtarësimit në KiE