Anëtarësimi i Kosovës në KiE, Tahiri: “Kemi qenë konstruktiv, s’duhet të ndërlidhet me dialogun”
Shefi i Grupit Parlamentar të Aleancës për Ardhmërinë e Kosovës (AAK), Besnik Tahiri, përmes një postimi në rrjetin social Facebook, ka thënë se anëtarësimi i Kosovës në Këshillin e Evropës, s’duhet të ndërlidhet me proceset e tjera politike.
Pas një takimi të zhvilluar me ambasadorë të akredituar në Kosovë, vendet e të cilëve janë anëtarë të KiE-së, Tahiri kërkoi që ky proces të mos ndërlidhet me dialogun, sepse sipas tij, Kosova është treguar konstruktive ndaj agresionit rus në Ukrainë.
“Si vend e kemi pasur një qasje shumë konstruktive dhe mbështetëse ndaj njërit prej anëtarëve, në këtë rast Ukrainës, duke ndërmarrë të gjithë hapat e nevojshëm për të qenë në vijë me botën perëndimore”.
“Kosova përgjatë këtyre viteve ka dëshmuar që të drejtat e njeriut dhe sundimin e ligjit e ka në agjendën e vet primare dhe anëtarësimi i Kosovës është imperativ i kohës”, shtoi ai.
Gjithashtu, Tahiri theksoi nevojën që qytetarët e Kosovës të kanë qasje në instrumentet që ky institucion i ka, në veçanti në Gjykatën Evropiane e të Drejtave të Njeriut.
“Duke theksuar se Kosova, kushtetuta e saj, dhe ligjet më të rëndësishme i kanë përfillë dhe mishëruar vlerat që i përfaqëson ky institucion në legjislacionin përkatës”.
Ndryshe, të enjten e 12 majit, Kosova ka aplikuar për anëtarësim në Këshillin e Evropës.
Aplikimin në selinë e Këshillit të Evropës, në Strasburg, e ka bërë ministrja e Punëve të Jashtme dhe Diasporës e Kosovës, Donika Gërvalla.
Ai ndihmon vendet anëtare të luftojnë korrupsionin dhe terrorizmin dhe të ndërmarrin reformat e nevojshme gjyqësore. Grupi i ekspertëve kushtetues, i njohur si Komisioni i Venecias, ofron këshilla ligjore për vendet në mbarë botën.
Ndryshe Këshilli i Evropës mbron lirinë e shprehjes dhe të medias, lirinë e tubimit, barazinë dhe mbrojtjen e pakicave.
Kosova, është i vetmi shtet në Ballkanin Perëndimor që nuk është anëtarë i Këshillit të Evropës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ministri izraelit Ben-Gvir përfshihet në një aksident të rëndë automobilistik
-
Blinken i thotë Pekinit: Ndaloni së fuqizuari Rusinë ose do të përballeni me sanksione
-
IPK-ja kërkon suspendimin e një togeri policor, dyshohet për keqpërdorim të pozitës
-
Hamasi refuzon apelin e 18 vendeve: Po injorohen të drejtat e palestinezëve
Lajmet kryesore
-
Rama për “Corriere”: Ndërhyra për të mbrojtur imazhin e vendit tim
-
Opozita i kërkon Kuvendit anulimin e mbledhjes së Komisionit për Shëndetësinë
-
Blinken i thotë Pekinit: Ndaloni së fuqizuari Rusinë ose do të përballeni me sanksione
-
Rohde e përmendi Asociacionin, Kurti kërkon mbështetjen e Gjermanisë për anëtarësimin e Kosovës në KiE