Kryetarja e Gjykatës Kushtetuese, Gresa Caka Nimani gjatë vizitës së saj zyrtare në Shtetet e Bashkuara të Amerikës është takuar të premten me zv.ndihmës Prokurorin e Përgjithshëm të SHBA-ve dhe Këshilltarin për çështje ndërkombëtare në Departamentin e Drejtësisë, Bruce C. Swartz.
Këtë e ka bërë të ditur Ambasada Amerikane në Kosovë përmes një postimi në Twitter, në të cilin thuhet se është koha që të zbatohen të gjitha vendimet e Gjykatës Kushtetuese të Kosovës.
“Institucionet e pavarura të drejtësisë në Kosovë janë jetike për demokracinë e saj. Është koha që të zbatohen të gjitha vendimet e Gjykatës Kushtetuese të Kosovës dhe të plotësohen vendet e lira në Gjykatë”, thuhet në postimin e Ambasadës.
Kosovo’s independent justice institutions are critical to its democracy. It's time to implement all Kosovo Constitutional Court decisions and fill vacancies on the Court. 🇽🇰🇺🇸 https://t.co/Si7ZKNvNdc pic.twitter.com/3CA2Kj5Cbq
— U.S. Embassy Pristina (@USEmbPristina) November 20, 2021
Lidhur me këtë takim detaje kanë dhënë edhe nga Gjykata Kushtetuese.
Nga kjo Gjykatë thuhet se kryetarja Caka e ka njoftuar Swartz me të arriturat dhe sfidat në gjyqësinë kushtetuese.
Në njoftim thuhet se palët në vazhdim kanë shkëmbyer pikëpamjet e tyre lidhur me mekanizmat më efektiv për forcimin e sundimit të ligjit në Kosovë dhe rëndësinë e konsolidimit të sundit të së drejtës në çdo vend demokratik.
Gjatë qëndrimit në Uashington, kryetarja Caka – Nimani është takuar edhe me zyrtarë të lartë në Departamentin e Shtetit dhe Agjencinë e Shteteve të Bashkuara për Zhvillim Ndërkombëtar (USAID), si dhe me përfaqësues të SHBA-ve në Komisionin e Venecias.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Presioni i Erdoganit dhe një lumë parash: Ja pse Hamasi i tha “po” marrëveshjes
-
Osmani s’ka hatërbetje me Kurtin edhe pse doli kundër tij: Kosovës i duhen miq për rrumbullakimin e shtetëformësisë – e ka mbështetjen paekuivokë
-
Rama mbledh deputetët dhe ministrat për qeverisjen, korrupsionin dhe vizionin e ri 2030
-
Met Gala 2024, cilët yje lulëzuan
Lajmet kryesore
-
Ekskluzive: Franca kërkon shtyrje të vendimit për anëtarësim të Kosovës në KiE
-
Shpërthimi i radhës nga Ilir Meta dhe synimi për të qenë koka e opozitës
-
Rama mbledh deputetët dhe ministrat për qeverisjen, korrupsionin dhe vizionin e ri 2030
-
Osmani s’ka hatërbetje me Kurtin edhe pse doli kundër tij: Kosovës i duhen miq për rrumbullakimin e shtetëformësisë – e ka mbështetjen paekuivokë