Qeveria japoneze ka lëshuar një paralajmërim për rastet në rritje të një lloji të rrallë – por serioz – të infeksionit bakterial.
88 raste janë regjistruar vetëm në kryeqytet – së bashku me 517 infektime në mbarë vendin .
Shqetësimet në lidhje me përhapjen e sindromës së shokut toksik streptokoksik (STSS), thuhet se ka shtyrë Korenë e Veriut të anulojë një ndeshje futbolli me Japoninë që do të zhvillohej në Phenian.
Ky infeksion – në raste të rënda – mund të shkaktojë nekrozë të indeve lidhës që mbulojnë muskujt dhe ka një shkallë vdekshmërie prej rreth 30% të individëve të infektuar.
Në të gjithë vitin 2023, kryeqyteti ka raportuar gjithsej 141 raste dhe 42 vdekje të lidhura me infeksionin në fjalë.
Njerëzve sakaq u është apeluar që të kërkojnë menjëherë kujdes mjekësor nëse përjetojnë simptoma të dhimbje dhe ënjtje në gjymtyrë ose temperaturë.
Streptokoku i grupit A përhapet përmes spërklave dhe kontaktit të drejtpërdrejtë. Por edhe përmes lëndimeve në duar apo këmbë.
Autoritetet shëndetësore këshillojnë fuqimisht respektimin e masave parandaluese si larja e rregullt e duarve dhe kujdesi i duhur ndaj plagëve.
Një variant i quajtur lloji M1UK, i konsideruar shumë i transmetueshëm midis baktereve të streptokokut të grupit A, besohet të jetë i lidhur me rastet.
Sipas Institutit Kombëtar të Sëmundjeve Infektive, mund të infektohen njerëzit e të gjitha moshave.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kryemadhi: Nuk besoj te fraksionet, ka ardhur koha të shoh prioritete të tjera
-
Rini e plakur, Meta me kritika edhe në ditën e Konventës
-
Kurti pranon se raporti i DASH-it ka kritika për Qeverinë, çuditet pse s’u cituan “Freedom House” e “Transparency International”
-
Trazirat në protestën para Bashkisë së Tiranës, arrestohet 31-vjeçari