56% e amerikanëve kërkojnë shkarkimin e presidentit, Donald Trump, vetëm dhjetë ditë përpara përfundimit të mandatit të tij. Kjo shifër është bërë e ditur nga një sondazh i realizuar nga ABC News dhe Ipsos Polls.
Gjysma e amerikanëve kërkojnë që ai të shkarkohet ose të vihet në lëvizje Amendamenti i 25-të. Një pjesë e tyre, mendojnë se ai duhet të dorëhiqet vetë. Ndërkohë, 43%, mendojnë se asnjë veprim nuk duhet ndërmarrë.
Kjo është një ndër përqindjet më të larta historike për shkarkimin e një presidenti në SHBA. Në shtator të vitit 2019, 40% e amerikanëve kërkonin shkarkimin e Trump-it. Kjo, pas debateve të shumta në distancë midis Trump-it dhe kryekongresmenes, Nancy Pelosi.
Përpara këtyre debateve, shkarkimi i Trump-it, as që mendohej.
Një krahasim është bërë dhe me sondazhet mbi shkarkimin e presidentit, Bill Clinton, pas aferës së zbuluar me Monica Lewinsky. Në kulmin e debateve mbi aferën, kërkesa për shkarkimin e Clinton-it nuk shkoi kurrë mbi 40%.
Pakënaqësia e popullit kundrejt Trump-it, është historike për 50 vjeçarin e fundit të politikës amerikane.
Ajo që bie në sy më shumë, është kundërvënia që vetë republikanët kanë ndaj Trump-it. Një pjesë e mirë e senatorëve republikanë janë kundër tij. Një pjesë e kongresmenëve republikanë, kërkojnë gjithashtu shkarkimin e Trump-it.
Hapa konkretë priten të merren të hënën e 11 janarit në Kongres. Është bërë me dije se ligjvënësit demokratë do të dorëzojnë kërkesën për shkarkimin e Trump-it.
Koha për të vepruar, gjithsesi, është shumë e shkurtër. Në 20 janar, Trump i dorëzon detyrën presidentit të zgjedhur, Joe Biden./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
E ardhmja e kafes: Kokrra sintetike të krijuara në laborator
-
Krijohet një vaksinë me potencial për të mbrojtur kundër coronavirus-eve të ardhshëm
-
Kina ka hakeruar Ministrinë britanike të Mbrojtjes, raporton Sky News
-
Publikohet dokumenti i armëpushimit që Hamasi e pranoi, por Izraeli e refuzoi – 3 faza në 3 muaj
Lajmet kryesore
-
Ekskluzive: Franca kërkon shtyrje të vendimit për anëtarësim të Kosovës në KiE
-
Meta thotë se Rama dhe Veliaj janë përfshirë në fushatë në Maqedoninë e Veriut, jo Kurti
-
Publikohet dokumenti i armëpushimit që Hamasi e pranoi, por Izraeli e refuzoi – 3 faza në 3 muaj
-
Lajçak pret përgjigje konstruktive nga Kosova e Serbia mbi kompromisin e propozuar për dinarin