Presidenti i Serbisë, Aleksandër Vuçiç, është takuar të mërkurën me Kryeministrin e Hungarisë, Viktor Orban, në prag të Samitit të parë Global për Energjinë Bërthamore, me të cilin kanë diskutuar për situatën rajonale dhe atë gjeopolitike.
Lajmi është bërë i ditur nga vetë Vuçiç, përmes një postimi në rrjetin social Instagram.
“Me mikun tim Viktor Orban në darkën para fillimit të dy samiteve të mëdha që do të mbahen nesër në Bruksel. Biseduam për të gjitha temat me rëndësi për vendet tona, shkëmbyen mendime për situatën aktuale gjeopolitike, çështjet rajonale dhe energjinë”, ka shkruar Vuçiç.
Edhe më 2 mars, Vuçiç, në Beograd ishte takuar me Orban, me të cilin kishte biseduar për situatën në Kosovë.
Lajmi ishte bërë i ditur nga vetë Vuçiç, përmes një postimi në Facebook, ku ka thënë se “kohët e vështira dhe pyetjet serioze janë gjithmonë më të lehta kur i ndani me partnerë dhe miq të sinqertë”.
“Prandaj është gjithmonë një kënaqësi e veçantë që e mirëpres Viktor Orbanin, me të cilin kam shkëmbyer mendime për temat aktuale sot, nga situata në Kosovë, për planet për rritjen ekonomike dhe afrimin e Ballkanit Perëndimor me BE-në, deri te ecurinë e projekteve të përbashkëta, bashkëpunimin dhe lidhjen e Serbisë dhe Hungarisë”, shkruante Vuçiç.
Kreu i Serbisë theksonte të jetë “krenar” për mbështetjen dhe marrëdhëniet në mes dy vendeve dhe dy popujve, pra atij serb dhe hungarez, të cilët, sipas tij, “kanë arritur maksimumin historik dhe ne nuk do të ndalemi me kaq”.
“Rroftë miqësia e serbëve dhe hungarezëve, Serbisë dhe Hungarisë!”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
MEPJ thërret ambasadorin serb, pas deklaratave të Vulin për vizitën e Ramës në Athinë
-
Damka ndihet “i neglizhuar” nga “shtetet mike” që kushtëzuan Kosovën për KiE
-
Vuçeviç takon ambasadorin rus, diskutojnë për çështjen e dinarit
-
Organizatat e shoqërisë civile letër KiE-së: Jemi të shqetësuar për perspektivën evropiane të Kosovës
Lajmet kryesore
-
Kurti për zgjedhjet e jashtëzakonshme: Opozita duhet të bëhet gati, ne jemi gjithmonë
-
Gërdeci/ Rrëzohet kërkesa për riekspertim ekonomiko-financiar, Mediu: Po kërkohet një kokë turku
-
Miqësia ‘pa kufi’ Putin-Xi do të vihet në provë gjatë vizitës shtetërore në Kinë
-
Molliqaj rreth “marrëveshjes” për zgjedhje: Krasniqi protagonist brenda opozitës, por vetëm në bazë të skenarit të Kurtit