![](https://albanianpost.com/wp-content/uploads/2023/06/Kuvendi-i-Kosoves-2-850x638-1.jpg)
Të enjten e 30 nëntorit në Kuvendin e Kosovës do mbahen dy seanca plenare, njëra do të fillojë nga ora 10:00 dhe tjera në ora 16:00.
Në një njoftim të lëshuar nga zyra për media e Kuvendit thuhet se në seancën e parë do të ketë debat parlamentar në lidhje me Raportin e Komisionit Evropian për Kosovën për vitin 2023.
Raporti i Komisionit Evropian për Kosovën i publikuar muajin e kaluar për zëvendëskryeministrin e Kosovës, Besnik Bislimi, “është ndër më të mirët ndonjëherë për Kosovën dhe ndër më të mirët në rajonin e Ballkanit Perëndimor”.
“Raporti fillon me theksimin e stabilitetit politik”, ka shkruar fillimisht Bislimi, dhe ka theksuar se “Qeveria është gjetur e përgatitur për të përballuar më së miri situatat të cilat kanë ardhur si ndikim nga jashtë”, kishte theksuar Bislimi.
Ndryshe, gjetja kryesore e KE-së të cilën e ka shfaqur në këtë raport është menaxhimi i dobët i agjendës legjislative.
Sipas këtij raporti puna e Kuvendit të Kosovës mbetet e ndikuar negativisht nga një atmosferë e polarizuar politike dhe vështirësi në arritjen e kuorumit vendimmarrës, ndonëse Qeveria ka një shumicë të fortë.
“Kjo është pjesërisht për shkak të menaxhimit të dobët të agjendës legjislative nga ana e shumicës, por edhe për shkak se anëtarët e opozitës në Kuvend kanë abstenuar nga votimi për të penguar miratimin e ligjeve”, thuhet në raport.
Sa i përket luftës kundër korrupsionit, është thënë se Kosova gjatë kësaj periudhe raportuese, ka bërë njëfarë progresi me miratimin e legjislacionit të rëndësishëm kundër korrupsionit.
Megjithatë, raporti thekson nevojën për përmirësimin e kornizës së përgjithshme ligjore.
Kosova sipas raportit është në një fazë të hershme në luftën kundër krimit të organizuar dhe është bërë përparim i kufizuar në hetimin dhe ndjekjen penale të rasteve të krimit të organizuar.
Sa i përket lirisë së shprehjes, Kosova ka një nivel të përgatitjes dhe përfiton nga një mjedis pluralist dhe i gjallë mediatik. Megjithatë, shqetësimet mbeten në lidhje me fushatat e shpifjeve publike, kërcënimet dhe sulmet fizike ndaj gazetarëve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Clark të dielën në Kosovë, Abdixhiku ia ndan dekoratën “Dr. Ibrahim Rugova”
-
“Takimi Kurti-Vuçiç do të riciklojë episodet e shfaqjeve të dështimit”
-
Takimi i 26 qershorit, Haliti: Kurti e Vuçiç të kuptojnë se marrëveshjet janë obligim e duhet zbatuar
-
Bajrami i reagon Muratit: Falë mospunës tuaj 61 mijë familje jetojnë në varfëri ekstreme