Dronët s’mund të përdoren pa autorizim të KFOR-it, Trajkoviç: Vendimet e Qeverisë s’po ndihmojnë në ruajtjen e sigurisë
Si të çuditshëm e ka cilësuar Rada Trajkoviç, këshilltare politike në Qeverinë e Kosovës, vendimin e Kosovës për të blerë dronë Bayraktar TB-2 nga Turqia pa koordinim paraprak me Misionin e NATO-s në Kosovë, KFOR-in.
Një ditë pasi kryeministri i Kosovës, Albin Kurti njoftoi për blerjen e dronëve nga Turqia, KFOR-i njoftoi se dronët nuk mund të përdoren pa autorizimin paraprak nga ky mision ushtarak, prandaj sipas këshilltares politike të ministrit për Komunitete dhe Kthim, Nenad Rashiç, vendimet të pakoordinuara të Qeverisë së Kosovës nuk po ndihmojnë në ruajtjen e sigurisë dhe stabilitetit evropian.
“Stabiliteti ndiqet me veprime, jo me fjalë. Vendimet e çuditshme të marra për ‘show’ dhe pa koordinim me garantuesit e sigurisë së Kosovës, NATO-s, nuk po ndihmojnë në ruajtjen e sigurisë dhe stabilitetit evropian”.
Stability is pursued through actions, not words. Eccentric decisions made for show and without coordination with Kosovo’s NATO security guarantors are not helping to maintain European security and stability. https://t.co/elhLEo1M4k
— Rada Trajkovic (@trajkovic_rada) July 18, 2023
Pas blerjes së dronëve, KFOR-i, njoftoi se Komandanti i këtij misioni e ka autoritetin parësor mbi hapësirën ajrore të Kosovës.
“Për sa i përket përdorimit të të gjitha kategorive të dronëve dhe kufizimeve përkatëse, duke përfshirë dronët Bayraktar TB-2, në përputhje me Rezolutën 1244 të Këshillit të Sigurimit të Kombeve të Bashkuara të vitit 1999, komandanti i KFOR-it ka autoritetin parësor mbi hapësirën ajrore të Kosovës”, thuhej në deklaratë.
Sipas KFOR-it hapësira e sipërme ajrore e Kosovës mund të përdoret vetëm për fluturime komerciale, ndërsa hapësira e poshtme ajrore mund të përdoret për qëllime specifike dhe me autorizim paraprak nga komandanti i KFOR-it.
“Ne presim që institucionet në Kosovë të sigurojnë koordinim dhe të respektojnë procedurat ekzistuese”, thuhej ndër të tjera në deklaratë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Komandanti i KFOR-it: Situata e sigurisë e brishtë, por jemi të pajisur mirë
-
Zelensky anulon vizitën e së premtes në Madrid
-
Terrorizohet Durrësi/ 40-vjeçari mban peng dy fëmijët e mitur dhe qëllon ndaj RENEA-s, arrestohet
-
Bislimi kërkon nga ministri hungarez të trajtohet aplikimi i Kosovës për t’u anëtarësuar në BE
Lajmet kryesore
-
Ripërtëritja e legjitimitetit të dobësuar e largimi i fokusit nga dështimi, faktorë që detyruan Kurtin të mendojë për zgjedhje
-
Ballkani Perëndimor duhet ‘të përqafojë’ energjinë e rinovueshme për ngrohjen qendrore
-
Aktet e solidaritetit të palestinezëve do të demonizohen, por kurrë nuk kanë qenë kaq të forta
-
Takimi i shtatë për dinarin – “rasti i fundit” për një zgjidhje kompromisi