Në fundjavë do të zhvillohet xhiroja e 25-të në FIVE STAR Superligën e Kosovës në basketboll.
Takimi i parë do të zhvillohet ndërmjet Golden Eagle Yllit dhe Sigal Prishtinës, një duel shumë interesant.
Këto dy skuadra u takuan edhe në finale të Kupës së Kosovës, ku triumfoi Sigal Prishtina por, sa i përket Superligës, therandasit gjenden me një pozitë shumë më të mirë se bardhekaltërit.
Pas 24 xhirove, Ylli pozicionohet në vendin e dytë në tabelë me 39 pikë, ndërsa Prishtina gjendet në vendin e parafundit në tabelë me gjashtë pikë më pak.
Dueli tjetër interesant i ditës së shtunë, zhvillohet në Prizeren, aty ku Bashkimi e pret Pejën.
Këto dy skuadra kanë traditë në basketbollin e Kosovës, por në stinorin pranveror nuk kanë arritur rezultate aq të dëshirueshme.
Prizrenasit ndodhen në vendin e pestë me 35 pikë, ndërsa pejanët pozicionohen një vend më lartë, me një pikë më shumë se kundërshtarët e tyre në këtë ndeshje.
E diela gjithashtu pritet me përballje interesante në basketbollin e Kosovës.
Lideri i Superligës, Ponte Prizreni do të presë në shtëpi rivalët e Rahovecit.
Prizrenasit gjenden në vendin e parë më 41 pikë, kurse Vreshtarët janë në vendin e tretë me dy pikë më pak, andaj pritet një duel shumë interesant.
Përballja e fundit e xhiros së 25-të, por shumë e rëndësishme është në mes Trepçës dhe Vëllaznimit.
Mitrovicasit hyn në këtë duel pas fitores ndaj Yllit, kurse kuqezinjtë në duelin e fundit pësuan nga Bashkimi.
Xehetarët kanë grumbulluar 34 pikë dhe kanë treguar formë të lartë, sidomos në stinorin pranveror, ndërsa skuadra nga Gjakova renditet në vendin e fundit me 31 pikë.
FIVE STAR Superliga – Java 25
E shtunë
17:00 Golden Eagle Ylli – Sigal Prishtina
19:00 Bashkimi – Peja
E diel
17:00 Ponte Prizreni – Rahoveci
19:00 Trepça – Vëllaznimi
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kurti e di që dëmi i Zajednicës e eklipson çdo përfitim nga anëtarësimi në KiE
-
Këlliçi çon Veliajn në SPAK, për lidhje me Ndrangheta-n
-
Putini betohet për mandatin e pestë, në ceremoninë e bojkotuar nga SHBA-të dhe Britania e Madhe
-
Ardhja e Pahorit në vend të Lajçakut mund ta rikthejë idenë e shkëmbimit të territoreve