Dhunimi i 11 vjeçares: Prokuroria do të kërkojë vazhdimin e masës së paraburgimit ndaj 5 të dyshuarve
Pesë të dyshuarve për dhunimin e 11 vjeçares në Prishtinë, do të kërkohet t’u vazhdohet paraburgimi.
Kjo kërkesë do të bëhet për shkak se 5 të dyshuarve më 26 nëntor iu mbaron burgimi.
Lajmin se një kërkesë e tillë do të bëhet e ka konfirmuar zëdhënësja e Prokurorisë së Prishtinës, Laureta Ulaj.
“Referuar pyetjes suaj, iu njoftojmë se lidhur me këtë çështje penale, Prokurori i Shtetit do të kërkojë vazhdimin e masës së paraburgimit ndaj të njëjtëve, panë gjykatës kompetente”, ka thënë Ulaj për AP.
Më 29 gusht, një e mitur 11-vjeçare u raportua se u dhuna nga pesë persona, çka nxiti reagime të mëdha në Kosovë.
11-vjeçarja u raportua se ishte dhunuar në Prishtinë nga 5 burra për 7 orë.
Prokuroria Themelore në Prishtinë, përmes një komunikate për media, kishte kumtuar lajmin se janë arrestuar edhe gjashtë persona të tjerë, të cilët dyshohen se janë të përfshirë në rastin e qershorit, ndërsa 11 vjeçarja që u dhunua të shtunën e 27 gushtit ishte raportuar si person i zhdukur.
Më 31 gusht, mijëra persona protestuan në kryeqytet kërkuan drejtësi pas rastit të dhunimit të 11-vjeçares.
Në këtë protestë po kërkohej krijimi i mekanizmave efektiv për trajtimin me dinjitet për të mbijetuarat e dhunës seksuale, trajtimi i drejtë i rasteve të dhunës ndaj grave dhe dënime meritore për abuzuesit si dhe legalizimin dhe përdorimin e gazit lotsjellës për vetëmbrojtje.
“Gra armatosuni” – mijëra protestues kërkojnë drejtësi pas dhunimit të 11-vjeçares
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Përurohet shtatorja më e madhe e Skënderbeut në tokën italiane, nga arbëreshët e San Basile-s
-
Balla: Po punohet për një program të madh asistence ndaj Shërbimit Zjarrfikës, me donatorë të huaj
-
Hamasi tregon se është gati për marrëveshje, izraelitët ende të përçarë
-
Knaus: Kushtëzimi i anëtarësimit të Kosovës në KiE me krijimin e Asociacionit pamundëson realizimin e të dyjave