Kuvendi i Kosovës filloi punimet e sesionit vjeshtor: Në agjendën e akorduar nuk figuron askund Ligji për Pagat
Kuvendi i Kosovës filloi punimet e sesionit vjeshtor të hënën e 12 shtatorit.
Është caktuar edhe agjenda, por askund nga 16 pika, nuk është paraqitur edhe ligji për pagat, qe nisi grevën e sindikatave nga 25 gushti.
Shefja e grupit parlamentar nga Lëvizja Vetëvendosje, Mimoza Kusari-Lila në konferencën e mbajtur pas mbledhjes së Qeverisë nuk përmendi ligjin për paga, por kjo theksohet akoma më shumë përmes një shkrimi të saj në rrjetin social ‘Facebook’.
Kusari-Lila, përmes këtij shkrimi ka paraqitur agjendën e dakorduar për seancën e radhës në Kuvendin e Kosovës.
Në këtë agjendë si pikat e para kryesore janë paraqitur miratimet e procesverbaleve nga seancat e mëparshme, deklarimet jashtë rendit të ditës, pyetjet parlamentare, plotësim ndryshimet e grupeve parlamentare në Komisionet funksionale.
Shefi i grupit parlamentar nga Aleanca për Ardhmërinë e Kosovës, Besnik Tahiri, në konferencë për media pas mbledhjes së qeverisë ka thënë se gjendja aktuale në Kosovë është e jashtëzakonshme, teksa shpresat i ka tek sesioni i ri vjeshtor.
“Po e fillojmë sesionin vjeshtor me shpresë që Kuvendi të jetë më efektiv”.
“Gjendja në sektorin publik dhe privat është shumë rëndë, duke qenë se jemi dakorduar që tema e grevës është një temë e rëndësishme për grupin e AAK-së gjendja është e jashtëzakonshme. Në këtë sesion vjeshtor i kemi disa prioritete, njëri ndër to është ligji i pagave”.
Tahiri, ka shtuar se, “bizneset private janë buzë falimentimit pasi nuk kanë subvencionim nga Qeveria”.
25 gushti i gjeti sërish në greva mësimdhënësit, edukatorët në kopshtet publike, punëtorët e administratës publike, shërbyesit civilë në institucione lokale dhe qendrore të Kosovës.
Të gjithë kanë të njëjtën kërkesë – rritje të pagës prej 100 eurove. Por, akoma pa përfunduar një ditë e grevës, Ministria e Financave, Punës dhe Transfereve, doli me vendim që grevistët të pezullohen nga e drejta për pagesë, pasi nga ta po kërkohet detyrim i bindjes për të punuar.
Opozita kërkon debat parlamentar për grevën në seancën e parë të Kuvendit për sesionin vjeshtor
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Hamasi i jep dritën jeshile fazës së parë së marrëveshjes
-
Lobimi serb në OKB kundër rezolutës për Gjenocidin e Srebrenicës, si po e ndihmojnë rusët dhe kinezët?
-
Shkërmoqen konservatorët në zgjedhjet vendore britanike, rezultojnë forcë e tretë
-
Pa një plan diplomatik për Gazën e pasluftës, Jordania ka frikë se do të detyrohet të njohë Hamasin
Lajmet kryesore
-
Shqipëria e dyta në botë për azilantët nën 18 vjeç në raport me popullatën, tregon Eurostat
-
Lobimi serb në OKB kundër rezolutës për Gjenocidin e Srebrenicës, si po e ndihmojnë rusët dhe kinezët?
-
Pa një plan diplomatik për Gazën e pasluftës, Jordania ka frikë se do të detyrohet të njohë Hamasin
-
Kushtëzimi i KiE-së me Asociacionin, Selimi: Kurti s’arriti të ndërtoi një platformë të mirë lobimi, shpërdoroi disa raste