Tre ushtarë sirianë u vranë pasi ushtria izraelite goditi objektivat duke përdorur raketa tokë-tokë pranë kryeqytetit sirian të Damask-ut të premten mbrëma.
Lajmi u bë i ditur nga media zyrtare shtetërore e Sirisë, duke u cituar nga mediat izraelite.
Ky ishte sulmi i dytë i supozuar izraelit në Siri brenda një jave.
Kjo, pasi sulmet ajrore të premten e kaluar synuan një strukturë në rajonin veriperëndimor Masyaf.
Në sulmet ajrore të së premtes së kaluar, gjashtë ushtarë sirianë u vranë, sipas raportimeve të mediave.
Stacioni radiofonik Sham FM i Sirisë tha se një zjarr kishte shpërthyer pranë Aeroportit Ndërkombëtar të Damaskut, në juglindje të qytetit, si rezultat i sulmeve.
Pretendimet nuk mund të verifikoheshin menjëherë në mënyrë të pavarur.
Sulmet erdhën disa orë pasi zëdhënësi në gjuhën arabe i IDF-së akuzoi dhëndrin e komandantit të vrarë të Gardës Revolucionare të Iranit, Qassem Soleimani.
Akuzat lidheshin me kontrabandë armësh nga Irani drejt Hezbollah-ut duke përdorur fluturime civile përmes Sirisë.
Transmetuesi shtetëror, SANA, shtoi se shumica e raketave – të lëshuara nga lartësitë e Golanit – u kapën.
SANA nuk dha hollësi të menjëhershme mbi dëmet e shkaktuara në vendet që u goditën.
Tre ushtarët e vrarë u raportuan se ishin anëtarë të ekuipazhit të një sistemi të mbrojtjes ajrore, sipas raportimeve të mediave lokale.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Europapa apo Baby Lasagna? – Garuesit për t’u pasur kujdes në Eurovision 2024
-
Kurti në Kongresin e socialistëve evropianë: Qëndrojmë në mbrojtje të demokracisë përballë autokratëve
-
Universitetet izraelite nuk mund t’u mësojnë hebrenjve amerikanë as gjënë themelore për të drejtat dhe lirinë e njeriut
-
Abdixhiku: Po marrim mbështetje për programin kombëtar të LDK-së
Lajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Niger, pa një strategji të vërtetë Biden po humbet Afrikën
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës