Drita ka bërë një hap tjetër fals, pasi që nuk shkoi përtej një barazimi pa gola në udhëtim te Dukagjini, në ndeshjen e vlefshme të xhiros së 25-të në BKT Superligën e Kosovës në futboll.
Dy skuadrat ishin në kërkim të fitores, por pas 90 minutave rezultati ishte i bardhë 0:0.
Në pjesën e dytë, të dyja ekipet luajtën më bukur duke krijuar raste të mira shënimi.
Drita pati më shumë nga loja, duke krijuar disa raste me Marko SImonovskin, Hamdi Namanin e Almir Ajzerajn, por pa arritur të shënonin.
Me këtë barazim, Drita ka bërë një hap prapa në luftën për titull, e cila mbeti në kuotën e 43 pikëve, tetë më pak se lideri Ballkani.
Ndërkohë, gola me bollëk pati në Skenderaj, aty ku Malisheva arriti një fitore të madhe me rezultat 2:3 te Drenica.
Futbollisti i Malishevës, Agron Bruqi hapi serinë e golave në minutën e 18-të, pastaj për Drenicën barazoi rezultatin Genc Hamiti në minutën e 22-të.
Në minutën e fundit të pjesës së parë, Hasan Hyseni kaloi për herë të dytë Malishevën në epërsi, ku me rezultatin 1:2 skuadrat shkuan në pushim të pjesës së parë.
Me të filluar pjesa e dytë, Armend Abazi barazoi përsëri shifrat në 2:2, por ishte Agon Xhaka i cili shënoi për 2:3 në minutën e 72-të, rezultat me të cilin edhe përfundoi ndeshja.
Me këtë fitore, skuadra e Malishevës ka bërë një hap të mirë drejt luftës për mbijetesë, e cila tani pozicionohet në vendin e gjashtë me 32 pikë, aq sa kanë edhe Prishtina dhe Drenica.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel