Një tjetër xhiro u zhvillua në ndeshjet kualifikuese të Kupës së Botës në Amerikën e Jugut, ku kombëtaret e mëdha nuk lanë vend për surpriza.
Brazili dhe Argjentina edhe pse tashmë të kualifikuara në Katar, morën fitoret e radhës.
Brazili mposhti me rezultat të thellë 4:0 Paraguain, duke blinduar tashmë pozitën e dytë në tabelë me 35 pikë.
Pjesa e parë e takimit u mbyll me rezultat 1:0 falë golit të vetëm të shënuar nga Raphinha në minutën e 28-të.
Derisa në pjesën e dytë, kombëtarja ‘Selecao’ shënoi edhe tri herë me anë të Philippe Coutinho-s në minutën e 62-të, Antony në të 86-tën dhe katër minutë më vonë, Rodrygo vendosi rezultatin përfundimtar 4:0.
Në anën tjetër, kombëtarja e Argjentinës mori fitore minimale 1:0 në shtëpi ndaj Kolumbisë.
Goli i vetëm në këtë fitore të kombëtares ‘Albicelste’ u shënua në minutën e 23-të me anë të sulmuesit të Inter-it, Lautaro Martinez.
Ndërkohë, fitore shumë të rëndësishme mori Uruguai, të cilët mposhtën në shtëpi kombëtaren e Venezuelës, me rezultat të thellë 4:1.
Uruguaianët treguan dhëmbët që në start të ndeshjes, ku mesfushori i Juventus-it, Rodrigo Bentancur, kaloi ata në epërsi që në minutën e parë.
Në pjesën e parë, Uruguai shënoi edhe dy herë të tjera, ku në minutën e 23-të, Giorgian De Arrascaeta dyfishoi epërsinë, ndërsa në fund të pjesës së parë, Edinson Cavani shënoi për 3:0.
Në pjesën e dytë, edhe Luis Suarez gjeti golin nga penalltia në minutën e 53-të, ndërsa vendasit realizuan në minutën e 65-të me anë të Josef Martinez, për rezultatin përfundimtar 4:1.
Me këtë sukses, Uruguai ngjitet në pozitën e katërt (pozitë që e kualifikon në Kupën e Botës), me 22 pikë, një më shumë se Peru e vendi të pestë.
Ndërsa, Peru në ndeshjen tjetër mori një barazim me rezultat 1:1, përballë Ekuadorit të vendit të tretë.
Michael Estrada realizoi golin për Ekuadorin në minutën e dytë të ndeshjes, ndërsa për peruanët barazoi Edison Flores në minutën e 69-të.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Përurohet shtatorja më e madhe e Skënderbeut në tokën italiane, nga arbëreshët e San Basile-s
-
Lobimi serb në OKB kundër rezolutës për Gjenocidin e Srebrenicës, si po e ndihmojnë rusët dhe kinezët?
-
Hamasi tregon se është gati për marrëveshje, izraelitët ende të përçarë
-
Raportet ndërkombëtare që shkërmoqën propagandën qeveritare