Kontrollet e shtuara nga policia në akset rrugore, kanë sjellë sekuestrimin e 49 mijë e 980 euro, që i posedonte një shtetas që drejtonte mjetin tip “BMW”.
Pas kontrollit të mjetit u bë e mundur gjetja e shumës së parave. Në vijim shtetasi S. P., 37 vjeç, do të procedohet penalisht për veprën penale “Pastrimi i produktit të veprës penale ose veprimtarisë kriminale”.
37-vjeçari nuk kishte dokumentacion shoqërues me vete dhe u dyshua se shumën e kishte përfituar nga aktivitetet e kundërligjshme.
Në kuadër të masave të marra për mbajtjen nën kontroll të situatës së rendit, janë shtuar kontrollet në akset rrugore si edhe në vendet që frekuentohen nga persona me precedent kriminal.
Vijon puna për dokumentimin ligjor në lidhje me burimin e të ardhurave të këtij shtetasi.
Materialet i kaluan Prokurorisë pranë Gjykatës së Shkallës së Parë Lushnjë për veprime të mëtejshme.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Bashkëpunimi Shqipëri-Britani në drejtësi po njeh zhvillime pozitive, thotë Manja pas takimit me King-Smith
-
Pas kalimit të rezolutës antikorrupsion, PS voton të enjten edhe Komisionin e Posaçëm
-
Meloni mbron sërish Ramën: Është sulmuar padrejtësisht, projekti në Shqipëri po përparon
-
Begaj pret drejtoren e Korpusit të Paqes, vlerësohet angazhimi vullnetar amerikan në Shqipëri