Policia braziliane në Rio de Janeiro, akuzohet nga rezidentët se është përgjegjëse për vrasjen e disa protestuesve, të cilët sipas pretendimeve, ishin duke u dorëzuar.
Kombet e Bashkuara e kanë kritikuar gjithashtu këtë aksion policor kundër trafikantëve të drogës në Rio, duke i cilësuar ekzekutimet e kryera si “jashtë juridiksionit të policisë”.
Nga pala policore, këto akuza janë mohuar tërësisht.
Disa zona në Rio – një ndër qytetet më të dhunshme në Brazil – gjenden nën kontrollin e kriminelëve. Disa prej tyre, janë të lidhur me organizata të mirëfillta të tregtisë së drogave të rënda.
Forcat e sigurisë me ndërhyrjet e tyre të dhunshme, janë akuzuar jo pak herë për përdorim të tepruar force.
Video në të cilat shfaqen shkëmbimet e zjarrit midis policëve dhe kriminelëve, kanë bërë xhiron e mediave sociale.
“Ka djem të lagjes, të cilëve i është zënë pritë nëpër shtëpia”, thotë një banore e zonës. “Ata duan të dorëzohen, por policia kërkon ti vrasë. Madje, kanë vrarë disa në sytë tanë”.
Në lagje të ndryshme të Rio-s, disa vende janë të mbuluara me njolla gjaku. Situata në lagjet e quajtura “Favelas”, është dëshpëruese.
Një hetim i pavarur nga ana tjetër, është kërkuar nga Kombet e bashkuara, për gjithë aksionet e policisë gjatë këtyre kohëve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Policia ka realizuar 95 operacione gjatë prillit, 120 shtetas të proceduar për dhunë në familje
-
Putin urdhëron stërvitje të armëve taktike bërthamore
-
Gërvalla dhe Maqedonci marrin pjesë në konferencën dy ditore të “Defence24 Days”
-
Mbytja e nënës me tre fëmijët në Shkodër, palombarët kërkojnë ndihmën e Ushtrisë