Organizata e Kombeve të Bashkuara njoftoi se tridhjetë e tetë persona u vranë në Myanmar të mërkurën e 3 marsit, pas një përpjekjeje të ushtrisë për të shuar protestat në disa qytete të vendit. OKB e quajti dhe si ditën më të përgjakshme që nga grushti i shtetit.
Christine Schraner Burgener, i dërguari i OKB-së për Myanmar-in, tha se kishte pamje tronditëse nga vendi.
Dëshmitarët treguan se forcat e sigurisë hapën zjarr me plumba gome dhe të vërtetë.
Protestuesit kanë bërë thirrje për t’i dhënë fund sundimit ushtarak. Gjithashtu ata kërkojnë dhe lirimin e udhëheqësve të zgjedhur të qeverisë së vendit përfshirë Aung San Suu Kyi, të cilët u rrëzuan dhe u arrestuan në grusht shteti.
Britania e Madhe ka bërë thirrje për një takim të Këshillit të Sigurimit të Kombeve të Bashkuara të premten, më 5 mars, ndërsa Shtetet e Bashkuara të Amerikës thanë se po shqyrtojnë veprime të mëtejshme kundër ushtrisë së Myanmar-it.
Raportet nga brenda Myanmar-it tregonin që forcat e sigurisë kanë hapur zjarr ndaj turmave të mëdha të njerëzve në një numër qytetesh, përfshirë Yangon.
Dy djem, të moshës 14 dhe 17, dhe një vajzë 19-vjeçare qenë midis atyre që u vranë.
Departamenti Amerikan i Shtetit thotë se po vlerëson marrjen e disa masave politike, që do të ishin përgjigjja e duhur ndaj përshkallëzimit të situatës në Myanmar.
Departamenti tha se SHBA nuk do të bëjë asgjë që do t’i shkaktonte vuajtje popullit të Myanmar-it.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE