Ish-ministri i Punëve të Jashtme, Enver Hoxhaj, ka thënë se Kosova nuk është njohur nga asnjë shtet në katër vjet e fundit, derisa sipas tij, Palestina në gjendje lufte po arrin të sigurojë njohje të reja.
Ai ka theksuar se javën e kaluar Xhamajka, Barbados, Trinidad dhe Tobago njohën pavarësinë e Palestinës, ndërkaq këtë muaj Spanja, Irlanda dhe Sllovenia gjithashtu do ta njohin atë.
“Kjo tregon që, ajo, përkundër luftës në Gaza, e ka rikthyer momentumin e saj. Kosova pa asnjë njohje në katër vitet e fundit, përfundimisht e ka humbur momentumin ndërkombëtar të saj! Ky është çmimi që është duke paguar Kosova pa kurrfarë politike të jashtme”, shkroi Hoxhaj në Facebook.
Ndërkaq ministrja e Ponëve të Jashtme, Donika Gërvalla, kishte theksuar se njohjet nuk janë çështja më e rëndësishme dhe është fokusuar në të tjera gjëra.
“Ka një kohë që s’kemi njohje të reja. Por, njohja në vetvete nuk është elementi kryesor që e përcakton suksesin e politikes së jashtë të Kosovës”, pohoi ajo.
“Jemi përqendruar fillimisht në forcimin e marrëdhënieve me shtetet që veç i kemi njohjet formale, por s’kemi pasur shkëmbim dhe marrëdhëniet nuk kanë qenë të materializuara”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
CNN: ICC kërkon urdhër arresti kundër Sinwar-it dhe Netanyahu-t për krime lufte
-
Kondov: Baza e integrimeve evropiane të Kosovës dhe Serbisë është procesi i dialogut
-
Megaoperacioni i SPAK/ Burg për 4 anëtarët e tjerë të grupeve kriminale, shtyhet vendimi për Emiljano Shullazin
-
Drejtësia e re, Wisner: Është koha të ndërmerrni hapa më të ndërlikuar