Zgjedhjet palestineze, Barghouti shpall kandidimin në listën e pavarur

I burgosuri palestinez Marwan Barghouti, i dënuar nga një gjykatë izraelite për disa akte terrorizmi, ka vendosur të drejtojë listën e tij të pavarur të kandidatëve në zgjedhjet e ardhshme për të sfiduar listën zyrtare Fatah, të presidentit palestinez, Mahmoud Abbas.

Burimet shtuan se kjo listë e pavarur mund të jetë një parathënie e një oferte presidenciale gjithashtu.

Burime në Fatah, partia e Abbas që Barghouti është anëtar i komitetit të saj qendror, thanë se lista e re do të përfshijë më shumë aktivistë të Fatah-ut, që dëshirojnë të shkëputen nga linja e partisë, si dhe kandidatë të tjerë të pavarur.

Afati i fundit për të paraqitur listat në Komitetin Qendror të Zgjedhjeve Palestineze është e mërkura e 31 marsit.

Zyrtarë të lartë të Fatah-ut thanë për Haaretz se ata “nuk do të habiten” nëse Barghouti heq dorë nga gara e tij me listën e pavarur para afatit. Duke shtuar se partia mund t’i ofrojë atij një mundësi përfaqësimi në listën e saj.

Kush është Marwan Barghouti?

Barghouti aktualisht po vuan pesë dënime të përjetshme dhe 40 vjet të tjera burg për përfshirjen e tij në vrasje dhe sulme terroriste në intifadën e dytë në Izrael.

Sidoqoftë, ai gëzon popullaritet të gjerë midis palestinezëve, shumë prej të cilëve e shohin atë si një simbol të rezistencës ndaj korrupsionit.

Ai ishte i njohur më parë si komandanti i Tanzim-it, një fraksion militant i Fatah-ut.

Pas arrestimit të tij në vitin 2002, gjatë Operacionit izraelit Mburoja Mbrojtëse, ai u procedua penalisht. U lirua nga 32 akuza por u dënua për vrasjen e katër personave.

Ish-shtëpia e tij politike, Fatah, është përpjekur të bindë Barghouti-n të mos kandidojë, ndërsa fraksionet rivale janë përpjekur të joshin të burgosurin popullor në listat e tyre.

Ministri i Çështjeve Civile të Autoritetit palestinez Hussein al-Sheikh, u takua me Barghouti në shkurt. Një takim që u aprovua jashtëzakonisht nga Shërbimet e Burgut Izraelit.

Nasser Al-Qudëa, i cili u përjashtua nga Fatah këtë muaj, gjithashtu i bëri thirrje Barghouti-t të kryesojë një listë alternative në sondazhin e majit.

Nuk është ende e qartë nëse njoftimi i Barghouti-t i referohet listës së Al-Qudëa-s, apo një propozim të veçantë.

Zgjedhjet në Palestinë

Zgjedhjet legjislative palestineze janë caktuar më 22 maj, ndërsa zgjedhjet presidenciale janë caktuar më 31 korrik.

Presidenti Abbas njoftoi në fillim të këtij viti se palestinezët do të drejtohen në qendrat e votimit për zgjedhjet e para në më shumë se një dekadë.

Megjithëse anëtarët e Parlamentit dhe presidentët votohen për mandate katër-vjeçare, votimi i këtij viti do të jetë zgjedhja e parë parlamentare në 14 vjet dhe e para presidenciale në 15 vjet.

Rreth 25 grupe palestineze kanë regjistruar lista zgjedhore në Komisionin Qendror të Zgjedhjeve Palestineze, duke përfshirë grupin terrorist Hamas dhe rivalin e dëbuar të Abasit, Mohammad Dahlan.

Sondazhet para zgjedhore

Një sondazh i fundit zbuloi se nëse Barghouti formonte një fraksion politik të shkëputur brenda Fatah-ut, kandidatët e tij do të mposhtnin bllokun e Abbas.

28% e të anketuarve thanë se do të votonin për listën e Barghouti-t ndërsa 22% thanë se do të votonin për listën e Abbas-it.

Shumë palestinezë bëjnë krahasime të pafavorshme midis Barghouti dhe 86-vjeçarit Abbas.

Autoriteti Palestinez shihet gjerësisht si i korruptuar dhe joefektiv nga shumë palestinezë;

Sondazhet zbulojnë se shumica e palestinezëve kërkojnë dorëheqjen e liderit të tyre.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.