Presidenti i Autoritetit Palestinez, Mahmoud Abbas, shpalli zgjedhjet parlamentare dhe presidenciale në Bregun Perëndimor (West Bank). Këto zgjedhje janë të parat që zhvillohen në 15 vite.
Autoritetet palestineze e kanë të kufizuar vetë-qeverisjen në West Bank-un dhe territoret e pushtuara nga Izraeli. Sipas dekretit të zyrës së presidentit, zgjedhjet legjislative do të mbahen më 22 maj dhe zgjedhjet presidenciale më 31 korrik.
“Presidenti udhëzoi komitetin zgjedhor për të filluar një proces zgjedhor demokratik në të gjitha qytetet e atdheut”, shkruhet në dekretin e presidencës, duke iu referuar West Bank-ut (Bregut Perëndimor të pushtuar), Gazës dhe Jeruzalemit Lindor të pushtuar.
Izraeli ka ndaluar të gjithë aktivitetin e autoriteteve palestineze në Jeruzalemin Lindor.
Nuk ka asnjë tregues që Izraeli do të mund të lejojë votimet palestineze brenda Jeruzalemit, të cilin ai e konsideron “kryeqytetin e tij të pandarë”.
Në deklaratë thuhet se presidenti është në pritje të sondazheve të zgjedhjeve “në të gjitha qeveritë e Palestinës, duke përfshirë Jeruzalemin Lindor”.
Jeruzalemi Lindor u aneksua nga Izraeli pas luftës së 1967. Jeruzalemi Lindor konsiderohet si territor i pushtuar.
Votimi në zgjedhjet e fundit parlamentare të palestinezëve në 2006 ishte një suprisë për Hamas-in. Hamasi është një organizatë palestineze, politike dhe paraushtarake, e konsideruar zyrtarisht terroriste nga disa vende në botë.
Zgjedhjet në 2006-ën thelluan krizën e brendshme politike. Duke përfituar nga kriza grupi ekstremist i Hamas-it mori kontrollin e rripit të Gazës në 2007.
Që nga viti 2007 rripi i Gazës qeveriset nga Hamas-i. Këto ngjarje shkaktuan vonesa në zgjedhjet e ardhshme.
Hamas-i e ka mirëpritur njoftimin për zgjedhjet, duke thënë në një deklaratë: “Ne kemi punuar në të kaluarën për të zgjidhur të gjitha pengesat që të arrinim këtë ditë.”/AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
