Vulin, në mënyrë irracionale, krahason agresionin rus në Ukrainë me ndërhyrjen e NATO-s në Serbi
Ministri i Brendshëm, Aleksandër Vulin, kur e tërë bota demokratike dënon agresionin rus në Ukrainë, është përpjekur të bëjë analogji irracionale, duke e krahasuar luftën në Ukrainë me bombardimet e NATO-s në Serbi.
Për zëdhënësin më të zëshëm të Presidentit Vuçiç, të gjithë ata që dënojnë luftimet në Ukrainë duhet të dënojnë edhe siç e quan ai “agresionin e NATO-s” ndaj ish-federatës Jugosllave.
Sipas Vulin, ai që nuk kërkon që NATO të mbajë përgjegjësi për, siç pretendon ai, “krimet e luftës në Serbi”, nuk ka të drejtë të gjykojë askënd në Ukrainë.
Duke komentuar intervistën e ish-komandantit të NATO-s në Evropë, Wesley Clark, në të cilën ai justifikoi agresionin e NATO-s ndaj ish-federatës Jugosllave, dhe theksuar se “nuk ka paralele midis ndërhyrjes së NATO-s në Jugosllavi dhe pushtimit rus të Ukrainës”, Vulin ka potencuar se “ai që përpiqet të krijojë një ‘shtet të rremë të Serbisë’ në territorin e Serbisë, nuk ka të drejtë të flasë për integritetin territorial të asnjë shteti tjetër”.
“Ai që udhëheq histerinë anti-ruse nuk ka të drejtë të përcaktojë se çfarë do të bëjë Serbia dhe si do të mendojë ajo”, ka shtuar ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Deputeti gjerman skeptik për anëtarësimin e Kosovës në KiE – çështja është Asociacioni
-
Flota “fantazmë” ruse në Mesdhe: Ja se si Moska lëviz armët dhe naftën nën sytë e Perëndimit
-
Meta: Basha dhe Rama punuan kundër LSI-së, tashmë një parti e re
-
Osmani: Serbia duke mos i hapur arkivat po e shkelë deklaratën për të zhdukurit