Presidenti i Serbisë, Aleksandër Vuçiç, përmes një postimit në rrjetin social Instagram, përveç njoftimit se është nisur drejt Rashkës për t’u takuar me serbët e Kosovës, tha se “ata deri në çlirimin përfundimtar nuk do të kënaqen me asnjë vendim”.
Ai deklaroi se do ta respektojë vendimin e serbëve, cilido qoftë ai, dhe është i bindur se “sot është një ditë e mirë për Serbinë”, sepse siç tha ai “ruajtëm paqen dhe morëm garanci për sigurinë dhe mbijetesën e serbëve”.
Ndryshe, presidenti serb rreth orës 20:00 pritet t’iu drejtohet serbëve të Kosovës nga kazerma ushtarake në Rashkë, qyteza më e afërt serbe me kufirin e Kosovës në Jarinjë.
Bashkë me Vuçiç-in, siç raportojnë mediat serbe, përfaqësuesit politikë të serbëve të Kosovës do të shpallin vendimin për heqjen ose jo të barrikadave, 16 sosh të vendosura pas arrestimit të Dejan Pantiç, i cili në Kosovë akuzohet për terrorizëm.
Vuçiç, raportohet, do të dëgjojë brengat e serbëve në Kosovë dhe po ashtu “do t’u përgjigjet pyetjeve të tyre”.
Pas përgjigjeve që ka për ta, do të mbajë edhe një falim për gjithë situatën e fundit.
Ndryshe, Gjykata Themelore në Kosovë ka vendosur t’ia zbusë masën Pantiç-it duke e liruar dhe vendosur në arrest shtëpiak.
Avokatët në Kosovë kanë sqaruar për Albanian Post se ky është një vendim pothuajse i padëgjuar kur një të arrestuari për terrorizëm i mundësohet mbrojtja në liri.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Xhaferi: T’i tregojmë botës që s’jemi ne që bëjmë probleme, dilni votojeni “Frontin Evropian” më 8 maj
-
Vladimir Putin shkuli zemrën e një dreri për t’ia dhënë Silvio Berlusconit
-
Basha i reagon Gutierrezit: Me “boll më” mund t’u drejtohesh veç fëmijëve – unë jam deputet i pavarur në mendime
-
Marrëveshja e mbrojtjes me Arabinë Saudite nuk është e mundur pa normalizimin me Izraelin, thonë SHBA-të
Lajmet kryesore
-
Pjesëmarrje masive në tubimin qendror të Frontit Evropian në Tetovë
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Marrëveshja e mbrojtjes me Arabinë Saudite nuk është e mundur pa normalizimin me Izraelin, thonë SHBA-të
-
Mesazhi i Kurtit në 75-vjetorin e Këshillit të Evropës: Kosova – vend që plotëson kriteret e anëtarësimit