Kryetari i Lidhjes Demokratike të Kosovës , Lumir Abdixhiku, së bashku me vajzën dhe bashkëshorten e tij rreth orës 10:00, në shkollën fillore “Faik Konica” në kryeqytet, ka shfrytëzuar të drejtën e tij për të votuar në raundin e dytë të zgjedhjeve lokale, për të parin e komunës së Prishtinës.
Pas votimit, Abdixhiku ka thënë se vendimmarrja i takon qytetarit.
“Është një ditë e veçantë për të gjithë për Kosovën në radhë të parë është ditë e demokracisë është një ditë feste është ditë ku vendimmarrja kalon tek qytetarët, aty ku e ka vendin gjithmonë. Shpresoj që gjithçka do të shkojë mirë, shpresojë që ky proces të ruaj standardin e lartë që është ndërtuar tash e sa kohë, fitues janë të gjithë, fitues është Kosova”, ka thënë Abdixhiku.
Komuna me më së shumti votues është ajo e Prishtinës, me gjithsejtë 195 mijë e 978 votues, ku ka 52 qendra të votimit me 238 vendvotime.
Në garë për kryeqytetin janë kandidati i Lëvizjes Vetëvendosje, Arben Vitia dhe kandidati i Lidhjes Demokratike të Kosovës, Përparim Rama.
Vitia në raundin e parë kishte marrë gjithsejtë 36 mijë e 818 vota apo 42,54 për qind, kurse Përparim Rama, 25 mijë e 252 vota apo 29,17 për qind.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”
