Të premten e 15 shtatorit veteranët e Ushtrisë Çlirimtare të Kosovës u mblodhën para bazës së Misionit të Bashkimit Evropian për Sundim të Ligjit (EULEX) në Fushë Kosovës për të protestuar sipas tyre bastisjet e paligjshme të Gjykatës Speciale të kryera gjatë ditëve të fundit në Kosovës nëpër shtëpitë e pjesëtarëve të UÇK-së.
Organizata e Veteranëve të Luftës së UÇK-së, të premten kanë kundërshtuar batisjet që hetuesit e Zyrës së Prokurorit të Specializuar, të asistuar nga EULEX-i, kanë kryer në banesën e dëshmorëve Bahri e Fahri Fazliu.
Gjithashtu kanë kundërshtuar edhe konfiskimin e telefonave të ish-komandantit të Zonës Operative të Llapit, Rrustem Mustafa, ish-të burgosurit politik, Nait Hasani, si dhe Arben Mustafës-vëllait të Salih Mustafës i cili është i dënuar në shkallë të parë nga Gjykata Speciale me 26 vjet burgim.
Në këtë protestë, kryetari në detyrë i OVL-së së UÇK-së, Faton Klinaku gjatë fjalimit të tij ka akuzuar Gjykatën Speciale për shqetësimin ndaj familjarëve të veteranëve të UÇK-së.
Pas fjalimit, veteranët e UÇK-së kanë hedhur disa telefonë në drejtim të hapësirës së EULEX-it, si shenjë proteste.
Në protestë përveç veteranëve të pranishëm ishin anëtarët e Partisë Socialdemokrate.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kosova përfundimisht mbetet jashtë agjendës për Këshillin e Evropës
-
Wisner nga Kukësi: Presim përparim për hidrocentralin e Skavicës
-
Rusia duhet të paguajë për rindërtimin e Ukrainës, thotë Blinken
-
Shqipëria, Britania e Madhe dhe Kosova nënshkruajnë deklaratë bashkëpunimi kundër migracionit të paligjshëm