“Mund të vijë momenti që, duke pasur parasysh variantin Delta, vaksinimi për studentët të bëhet i detyrueshëm”.
Këtë fakt e ka pohuar kryeministri i Shqipërisë, Edi Rama, gjatë një inspektimi që ka kryer në godinën e saporikonstruktuar në Rezidencën Studentore Universitare nr. 2, e cila është gati tashmë për vitin e ri akademik.
Përtej stafit akademik që është thuajse tërësisht i vaksinuar, një detyrim mund të ketë edhe për studentët. Kjo, sipas kryeministrit, është si masë parandaluese për përhapjen e virusit.
Ndaj, frekuentimi i auditorëve, mund të shohë për studentët detyrimin e vaksinimit. Nëpërmjet pasaportave të vaksinimit, do të mundësohet edhe hyrja e tyre në institucionet e arsimit të lartë.
E pranishme në inspektim ka qenë edhe ministrja e Arsimit, Sportit dhe Rinisë, Evis Kushi, e cila ka informuar mbi nivelin e vaksinimit të pedagogëve. Sipas saj, pjesa më e madhe e tyre i kanë marrë të dy dozat kundër COVID-19.
Sa u përket godinave të konvikteve studentore, të cilat do të përdoren përkohësisht edhe për refugjatët afganë që pritet të vijnë në Shqipëri, kryeministri e ka ritheksuar faktin se “nuk bëhet fjalë për t’i nxjerrë studentët nga godinat dhe për të futur refugjatët”.
Sipas tij, kjo është një masë e përkohshme, deri në lirimin e strukturave hoteliere. Këto të fundit, janë duke pritur fluksin e fundit të pushuesve gjatë sezonit turistik.
Vetëm në këto godina ndërkohë, priten rreth 540 studentë për fillimin e vitit të ri akademik. Ky i fundit do të nisë në mes të tetorit, ndaj ka kohë të mjaftueshme për marrjen e çdo mase të nevojshme.
Në bazë të kësaj, gjasat më të mëdha janë që mësimi të zhvillohet i plotë në auditore. Kjo, pas një periudhe prej një viti e gjysmë të leksioneve online.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
SPAK sekuestron mbi 3 milionë euro pasuri të ish-shefit të Operacionales, Oltion Bistri
-
Meta paraqitet në Prokurorinë e Tiranës, për ‘vjedhjen’ e serverit të PL-së
-
Vrasësi i policit në Fier, pjesë e Strukturës së PD-së për mbrojtjen e votës
-
Nis protesta e opozitës përpara Bashkisë Tiranë, sërish tymues e molotovë drejt godinës
Lajmet kryesore
-
Gërvalla: Draft-statuti i Asociacionit është Republika Serbe, por e pranojmë në pako
-
SPAK sekuestron mbi 3 milionë euro pasuri të ish-shefit të Operacionales, Oltion Bistri
-
Ish-spiuni i Policisë Sekrete të Kinës zbulon operacionet, që synojnë disidentët në Australi dhe jashtë saj
-
Osmani: BE-ja s’po na tregon çfarë të bëjmë për t’u anëtarësuar – ka krijuar bllokadë për çështje të brendshme politike