Ish-presidenti i SHBA-ve, Donald Trump, është zyrtarisht dëshmitar i thirrur në çështjen e protestave të ndodhura më 6 janar 2021 në Capitol Hill të Washingtonit, ku të vrarë mbetën pesë vetë e të plagosur dhjetëra të tjerë, pas përpjekjes për të ndaluar certifikimin e zgjedhjeve amerikane dhe shpalljen e fitores së Joe Biden kundrejt kandidatit republikan, Trump.
Vendimi është marrë nga komiteti i posaçëm i 6 janarit, i cili drejtohet nga përfaqësuesi i demokratëve, kongresmeni Bennie Thompson.
Kjo, mund të quhet zyrtarisht edhe një “fitore e vogël” për demokratët, të cilët prej muajsh e kanë kërkuar vënien e Trump përballë këtij komiteti dhe dëshminë e tij mbi gjithë rrjedhën e asaj çfarë ka ndodhur në Capitol Hill.
Pas në kohë, 6 janari do të shënjonte një prej ngjarjeve më të bujshme në historinë moderne amerikane.
Një protestë e thirrur nga ish-kreu i Shtëpisë së Bardhë, Donald Trump, me qëllim moslejimin e certifikimit të fitores së Joe Biden në zgjedhjet e vitit 2020, do të kthehej në një skenë të vërtetë krimi ndaj institucioneve dhe vetë demokracisë amerikane.
Tempulli i demokracisë, Capitol Hill, do të bastisej thuajse barbarisht nga mbështetësit e Trump, mes të cilëve edhe persona të armatosur rëndë.
Pesë persona, mes të cilëve edhe një punonjës i Policisë, mbetën të vrarë asokohe, por e paevitueshmja nuk u arrit.
Me ndërhyrjen e forcave të rendit dhe vendosmërinë (tashmë nga të dy palët) për të përmbyllur procesin, Joe Biden u shpall Presidenti i Amerikës.
Por, pas u la një kalvar i tërë procesesh mbi ngjarjen, ku demokratët kërkuan ngritjen e një komisioni të posaçëm hetimor, shumë të ngjashëm me atë të 11 shtatorit 2001, kur u rrëzuan kullat binjake.
Një grup i posaçëm pune u ngrit nga ana e demokratëve dhe prej muajsh tashmë, dëshmi të shumta janë marrë, ku mes të cilave ka nga ato që e përdhosin figurën e Trump dhe nxjerrin hapur se si ai ishte nxitës kryesor i një “kryengritjeje” dhe “Rebelimi” të vërtetë ndaj demokracisë.
Me thirrjen e Trump në bankën e dëshmitarit, gjithçka mund të marrë një rrjedhë tjetër, edhe pse ish-presidenti, mund të shfrytëzojë edhe amendamentin e pestë amerikan, i cili i lejon të mos komentojë mbi ngjarjen.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Europapa apo Baby Lasagna? – Garuesit për t’u pasur kujdes në Eurovision 2024
-
Kurti në Kongresin e socialistëve evropianë: Qëndrojmë në mbrojtje të demokracisë përballë autokratëve
-
Universitetet izraelite nuk mund t’u mësojnë hebrenjve amerikanë as gjënë themelore për të drejtat dhe lirinë e njeriut
Lajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës