Trajneri i Nantes: Nuk ishte dënim, por nuk do të ftohen futbollistët që agjërojnë në ditën e ndeshjes
Trajneri i Nantes, Antoine Kombouare, la jashtë skuadrës futbollistin e tij, Jaouen Hadjam, pasi që ky i fundit kishte refuzuar ta ndërprente agjërimin në ditën që klubi i tyre kishte ndeshje në Ligue 1.
Nantes u mposht me rezultat 0:3 nga Reims në ndeshjen e zhvilluar në kampionatin francez, por bëri bujë lajmi që mbrojtësi algjerian u përjashtua nga kjo ndeshje pasi që ishte duke e agjëruar Ramazanin.
Megjithatë, trajneri i tij tha se nuk ishte një dënim ky ndaj Hadjam, por nuk do të ftohen në skuadër futbollistët që agjërojnë në ditën e ndeshjes.
“Jaouen? Nuk ka polemika. Është zgjedhja e tij dhe unë e respektoj atë. Ky nuk është një dënim, por është një procedurë që duhet ta ndjek”, tha trajneri francez.
“Gjatë javës kur nuk kemi ndeshje, nuk e kam problem me lojtarët që agjërojnë. Jam i gatshëm t’i mbështes, e di që nuk është e lehtë”, shtoi ai.
“Por në ditën e lojës, nuk duhet të agjëroni. Dhe ata që agjërojnë nuk janë në skuadër”, tha mes tjerash trajneri i klubit Nantes.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Policia konfiskon armë në Veri, i dyshuar është një ish-zyrtar policor
-
Wisner nga Kukësi: Presim përparim për hidrocentralin e Skavicës
-
Von der Leyen injoron të djathtën në Itali, takohet me Tajanin ndërsa eviton Melonin
-
Pas kërkesës së Bardhit, SPAK cakton 24 majin për dëshminë e tij lidhur me dosjen ‘Xibraka’