Një gjykatë në Kaliforni dënoi themeluesen e Theranos, Elizabeth Holmes me 11 vjet e tre muaj burg.
Kjo, për mashtrimin e investitorëve të startup-it të saj të testimit të gjakut, i cili dikur vlerësohej në 9 miliardë dollarë.
Lajmi u bë i ditur nga agjencia “Reuters”.
Gjykatësi amerikan Edward Davila e dënoi Holmes për tre akuza për mashtrim të investitorëve dhe një akuzë për komplot.
Një juri e shpalli Holmes, 38 vjeç, fajtor në janar pas një gjyqi tre mujor.
Avokatët e saj pritet të kërkojnë nga një gjyqtar që ta lejojë atë të mbetet e lirë me kusht në pritje të një apeli.
Siç shton New York Times, Holmes duhet gjithashtu të kompensojë investitorët për humbjet në shumën prej 121 milionë dollarësh.
Themeluesja e startup-it është planifikuar të paraqitet në burg për të vuajtur dënimin e saj më 27 prill 2023.
Forbes e quajti Holmes miliarderen më të re në botë në vitin 2014, kur ajo ishte 30 vjeç dhe aksionet e saj në Theranos kapnin vlerën e 4.5 miliardë dollarëve.
Por startup-i u rrëzua pasi një seri artikujsh të Wall Street Journal në vitin 2015, të cilat hodhën dyshime mbi suksesin e teknologjisë.
Holmes ka 14 ditë kohë për të apeluar vendimin.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Balla: 900 mijë pasagjerë më shumë në Rinas se vitin e kaluar, shtojmë 100 efektivë
-
Pedro Sanchez qëndron, nuk dorëhiqet nga pozita e kryeministrit
-
Baerbock bën fushatë për integrimin e Ballkanit, në përvjetorin e zgjerimit të BE-së në 2004
-
Kosova refuzoi “zgjidhje afatgjatë” nga Escobari për dinarin, preferon “kompromis të negociuar” nga Lajçaku
