![](https://albanianpost.com/wp-content/uploads/2021/02/bit-coin.jpg)
Tesla, kompania amerikane e autonjeteve elektrike, ka deklaruar se ka investuar rreth 1.5 bilionë dollarë në Bitcoin dhe pritet të fillojë në të ardhmen e afërt pranimin e pagesave për makinat dhe produktet e tjera të saj duke nxitur një kapërcim prej 7% të monedhës elektronike.
Sipas agjensisë së lajmeve, Reuters, njoftimi erdhi pas dy javësh pasi shefi ekzekutiv i Tesla-s, Elon Musk, inkurajoi investitorët e vegjël të blinin Bitcoin dhe monedhën digjitale të bazuar në meme, Dogecoin, njësoj si rrjeti i lojërave video i quajtur GameStop.
Gjatë një postimi në platformën Twitter, Musk është shprehur se Bitcoin-i ishte “në prag” për t’u pranuar më gjerësisht nga investitorët.
Sipas Reuters, lëvizja e Tesla-s përkthehet nga analistët si një ndryshim loje për monedhën.
“Mendoj se do të shohim një përshpejtim të kompanive që kërkojnë të alokohen në Bitcoin tani që Tesla ka bërë lëvizjen e parë”, ka thënë Eric Turner, nënkryetar i inteligjencës së tregut në firmën e hulumtimit të kriptomonedhës dhe të të dhënave, Messari.
Nga ana tjetër, Tesla ka bërë me dije se kjo lëvizje në Bitcoin ka qenë pjesë e politikës së saj të gjerë të investimeve të kompanisë dhe ka për qëllim diversifikimin dhe maksimizimin e kthimeve në para.
Pas kësaj lëvizjeje të kompanisë amerikane të automjeteve elektrike, Bitcoin ka shënuar një rritje me 10%.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Investitorët e Tesla-s mbështesin marrëveshjen e pagës së Musk prej 56 miliardë dollarësh
-
Evropa vendos tarifa deri në 48% për makinat elektrike kineze
-
Si po e ndryshon inteligjenca artificiale biznesin dhe çfarë po bëjnë kompanitë kosovare?
-
Prodhuesit vënë bast për makinat hibride teksa kalimi në ato elektrike ngadalësohet
Lajmet kryesore
-
Berisha humb gjyqin në Londër, mbetet non grata në Britani
-
Rrumbullaku urdhëron thellimin e procesit të verifikimit të integritetit të punonjësve të Policisë
-
NATO në bisedime për të vendosur më shumë armë bërthamore, thotë Stoltenberg
-
Osmani takon presidentin e Kenias, por njohja nuk është akoma gati