Team LeBron ka fituar një ndër ndeshjet më interesante në histori të All-Star.
Në takimin ku ylli i Los Angeles Lakers ishte kapiten i skuadrës së tij, përballë kishte skuadrën me në krye Kevin Durant.
Si çdo herë tjetër, edhe gjatë këtij viti – ndeshja All-Star dhuroi shumë spektakël, aksione të bukura dhe pikë të shumta.
Sa ishte e barabartë, aq ishte edhe e mrekullueshme.
Në fakt, kjo ndeshje ishte më e barabartë se asnjëherë më parë, me LeBron që u desh ta fitonte ndeshjen vetëm në aksionin e fundit të takimit.
LEBRON HITS THE GAME-WINNER IN CLEVELAND 👑🔥 #NBAAllStar pic.twitter.com/yYXppaUQm8
— NBA TV (@NBATV) February 21, 2022
Pas pikëve vendimtare, LeBron u shpreh që nuk ka mundur të “ëndërroj për një moment më të mirë”.
Ndeshja u mbyll me rezultat 163-160 në favor të skuadrës LeBron.
Në këtë ndeshje të jashtëzakonshme, pikë më shumë se të tjerët shënoi Stephen Curry.
Ylli i Golden State ishte në formë mbresëlënëse, duke shënuar 50 pikë në këtë takim.
Nga këto 50 pikë, Curry shënoi plot 16 tri-pikësha.
Nga ana e Team Durant, më i dalluari ishte Joel Embiid, me 36 pikë dhe 10 kërcime.
MVP i finales, që ishte emëruar pas legjendës Kobe Bryant, u zgjodh pikërisht Stephen Curry.
Steph had an UNREAL performance at #NBAAllStar
🔥 50 PTS
🔥 16-27 3PMWhat a game pic.twitter.com/D3ElsrGiIh
— NBA TV (@NBATV) February 21, 2022
Në këtë ndeshje, pos fitores dhe humbjes, kishte edhe momente shumë të bukura në ndeshje, sikur ngulitjet e Ja Morant, Zach Lavine dhe shumë të tjerëve.
NBA All-Star ul siparin këtu për vitin 2021, me sezonin e rregullt të ligës më të fortë të basketbollit që premton edhe më shumë spektakël në vijim të këtij sezoni.
LaVine 360 🔨 #NBAAllStar pic.twitter.com/zIMplQvlrC
— NBA TV (@NBATV) February 21, 2022
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rama për Kathimerini: Asnjë mesazh për rastin Beleri, vizita në Athinë s’është ndërhyrje në zgjedhjet evropiane
-
Tirana drejt binjakëzimit me Venezia-n
-
Ndërsa Izraeli shton sulmet, 300 mijë palestinezë largohen nga Rafah
-
“Kandidimi i Hamzës nga PDK-ja për kryeministër e ka befasuar për të keq Kurtin”