Taylor Swift është fituesja e padiskutueshme e American Music Awards, ku me fitore në gjashtë kategori, e ka çuar totalin e trofeve të saj të AMA-ve në 40.
Swift triumfoi në kategoritë më të rëndësishme si artistja e vitit, artistja pop më e mirë, albumi më i mirë pop, apo videoja më e mirë muzikore për këngën “All too well”.
Kështu, ajo bëhet edhe një ndër artistet me më së shumti fitore në historinë e AMA, duke vërtetuar se është ndër kantautoret më të ndjekura dhe të pëlqyera nga publiku gjatë dy dekadave të fundit.
Ndër artistët meshkuj, Harry Styles ishte më i spikaturi, pasi fitoi çmimet për artistin më të mirë pop dhe këngën më të mirë pop, për hitin e tij “As it was”.
Artisti më i mirë i ri u shpall këngëtarja Dove Cameron, 26-vjeçarja e cila lëvron artin e muzikës dhe aktrimit njëkohësisht, si pjesë e disa serive komike të Disney Channel.
Kënga më e mirë rock u shpall “Beggin” nga italianët Maneskin, të cilët e vijojnë suksesin e tyre botëror pas ngjitjes në skenën e Eurovision, ku u shpallën fitues në vitin 2020.
Koreanët e BTS mbeten të padiskutueshëm në kategorinë e K-Pop.
Ndërsa, Shqipëria, në një lloj mënyre përfaqësohet, pasi bashkëpunimi më i mirë i vitit është shpallur remix-i i Elton John dhe Dua Lipa, “Cold Heart”, nga PNAU.
Në rrymën e hip-hop-it, Kendrick Lamar për meshkujt dhe Nicki Minaj, për femrat, kanë qenë dy fituesit e spikatur.
Ndërsa, artisti më i mirë rock, u shpall Machine Gun Kelly.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE
-
Mes tensioneve për Gazën, shtyhet vizita e Erdogan në Shtëpinë e Bardhë
-
Thaçi: Ëndrra ime është që të gjithë shqiptarët të jetojnë në një shtet
-
Vaksinat e personalizuara mRNA për melanomën hyjnë në fazën e re të provës
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE