Klasikja e futbollit kosovar, mes Prishtinës dhe Dritës ishte shumë interesante, e cila përfundoi me rezultat 1:2 në të mirë të gjilanasve.
Në fakt, Prishtina e nisi shumë mirë ndeshjen, të cilët kaluan të parët në epërsi në minutën e 34-të me golin e shënuar nga spanjolli Jalen Blesa.
Por, në fund të pjesës së parë, më konkretisht në minutën e 43-të, Drita e barazoi rezultatin, kur Besnik Krasniqi realizoi nga penalltia.
Vetëm dy minuta pasi filloi pjesa e dytë, gjilanasit përmbysën rezultatin, duke shënuar me anë të Blend Baftiu, i cili u asistua nga Almir Ajzeraj.
Deri në fund, Prishtina u mundua të reagonte për ta barazuar rezultatin, por hasi në një mbrojtje të fortë të Dritës, të cilët dolën nga ky takim me pikë të plota.
Pas javës së 21-të, Drita tani është në vendin e parë me 44 pikë, aq sa ka edhe Ballkani i vendit të dytë, por këta të fundit do të luajnë nesër ndeshjen e kësaj xhiroje.
Ndeshje tjetër interesante u zhvillua edhe në Skenderaj, aty ku Gjilani doli me pikë të plota, duke e mposhtur Drenicën me rezultat 1:2.
Ishin mysafirët ata që e nisën ndeshjen në mënyrën më të mirë, kur qysh në minutën e dytë kaluan në epëri me golin e shënuar nga Shend Kelmendi.
Megjithatë, vendasit reaguan gjatë pjesës së parë, kur në minutat shtesë, Besfort Dervishaj e barazoi rezultatin.
Por, gjilanasit nuk u dorëzuan deri në fund dhe në minutën e 84-të e shënuan golin e fitores me anë të Baton Zabergjas.
Me këtë fitore, Gjilani përforcon edhe më shumë vendin e tretë me 32 pikë (sidomos pas humbjes së Prishtinës nga Drita), ndërsa Drenica rrëshqet në vendin e nëntë me 20 pikë.
Ndërkohë, takimi tjetër i ditës, mes Malishevës dhe Ferizajt nuk prodhoi fitues, i cili u mbyll me rezultat 1:1.
Dy golat e këtij takimi u shënuan në fundin e pjesës së parë. Fillimisht Malisheva kaloi në epëri në minutën e 41-të me anë të Ilir Mustafës, ndërsa në minutat shtesë të pjesës së parë, Gentrit Halili barazoi për Ferizajn.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Pas gjashtë orësh, përfundon Konventa e Partisë së Lirisë
-
Realizuam procedurën e paraaplikimit në SEPA, thotë ministri Mete
-
Nga Benetton te Metro, kompanitë nga e gjithë Evropa që ende bëjnë biznes në Moskë
-
Raporti i DASH-it përmend Rozeta Hajdarin e Liza Gashin si të dënuara për mos-deklarim të pasurisë