“Lufta ndaj krimit të organizuar është prioritet kyç për aderimin e Shqipërisë në Bashkimin Evropian”.
Ky është qëndrimi i Ambasadorit të BE-së në Tiranë, Luigi Soreca. Ai ka promovuar një projekt kundër krimit të organizuar në Shqipëri.
“Ky projekt është i rëndësishëm për t’i siguruar autoriteteve shqiptare ekspertizë teknike nga vendet anëtare të BE-së. Një ekip i vërtetë evropian”.
Fight against #organisedcrime is a key priority for #EU🇪🇺accession of #Albania🇦🇱. Hence the importance of this project that provides to 🇦🇱authorities technical expertise coming from several EU Member States, 🇪🇸 🇳🇱&🇮🇹. A real #TeamEurope🇪🇺.
Full remarks 👉https://t.co/CFkc1bjry0 https://t.co/xUOQ8ThJVd— Luigi Soreca🇪🇺 (@LSorecaEU) March 23, 2021
Programi me fonde të BE-së do të implementohet në Shqipëri nga Fondi Ndërkombëtar dhe Ibero-Amerikan i Administrimit dhe Politikave Publike (FIIAPP).
Ai do të ndihmojë kryesisht në forcimin e agjencive ligj-zbatuese. Zyrat e prokurorëve do të jenë gjithashtu të përfshira.
Ndihmëse në këtë program do të jenë qeveritë e Spanjës, Italisë dhe Holandës.
Ministri i Brendshëm, Bledi Çuçi, ishte i pranishëm në takim. Ai theksoi rëndësinë e këtij projekti si një nga prioritetet kryesore të ministrisë që ai drejton.
“Gjysma e këtij fondi do të shkojë vetëm për pajisjet e reja, mbi 2.4 milionë euro. Ky investim për modernizimin e infrastrukturës përmbush aspiratën kyçe për ta sofistikuar dhe rritur cilësisht punën e organeve ligj-zbatuese”, nënvizoi Çuçi.
Lufta kundër krimit të organizuar dhe korrupsionit ka qenë një ndër kushtet kryesore për Shqipërinë në rrugën e saj drejt integrimit evropian.
Pikërisht për këtë arsye, u ngrit edhe Prokuroria e Posaçme kundër krimit të organizuar dhe korrupsionit (SPANK). Ky i fundit operon prej më shumë se një viti tashmë dhe ka marrë përgëzime nga ambasadorët e huaj në Shqipëri.
Ndër ta, edhe të ambasadorit Soreca.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Thaçi: Ëndrra ime është që të gjithë shqiptarët të jetojnë në një shtet
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Aksioni i Frontex në Ballkan jep efekt, bien drastikisht kalimet e jashtëligjshme
-
Peleshi viziton qendrën e Inovacionit të Kërkimit dhe Mbrojtjes në Hungari
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE