Ndeshjet e së dielës për kualifikimet e Kupës së Botës ishin dramatike dhe me shumë gola.
Shqipëria arriti një fitore shumë të rëndësishme përballë Hungarisë në minutat e fundit me rezultat 1:0.
Armando Broja ishte heroi i ndeshjes duke shënuar në minutën 87-të, për t’i dhënë pikët e plota Shqipërisë.
Në ndeshjet e tjera të Grupit I, Anglia mposhti Andorrën me rezultat 4:0 dhe Polonia shkatërrojë San Marinon me rezultat 1:7.
Në anën tjetër Kosova barazoi me Greqinë në “Fadil Vokrri”, pas një goli në minutën 92-të nga Vedat Muriqi.
Në ndeshjen tjetër në Grupin B fitoi Spanja përballë Gjeorgjisë me rezultat dominues 4:0.
Dueli i parë i së dielës u luajt mes Bjellorusisë dhe Uellsit, e cila përfundoi me fitoren e këtyre të fundit ku Gareth Bale ishte protagonisti me hat trick.
Në ndeshjen mes Belgjikës dhe Republikës Çeke, dominuan belgët me rezultat 3:0.
Ndeshjet e Grupit J ishin interesante ku dueli mes Islandës dhe Maqedonisë së veriut përfundoi me rezultat 2:2, Gjermania shkatërroj Armeninë me rezultat 6:0 dhe Rumania fitoi me rezultat 2:0 përballë Litenshtajnit.
Duelet e fundit në grupin C ishin me pak gola, Zvicra me Italinë përfunduan me rezultat të barabartë 0:0, ndërsa Bullgaria mposhti Lituaninë me rezultat 1:0.
Grupi B
Kosova – Greqia 1:1
Spanja – Gjeorgjia 4:0
Grupi C
Bullgaria – Lituania 1:0
Zvicra – Italia 0:0
Grupi E
Bjellorusia – Uellsi 2:3
Belgjika – Republika Çeke 3:0
Grupi I
Shqipëria – Hungaria 1:0
Anglia – Andorra 4:0
San Marino – Polonia 1:7
Grupi J
Islanda – Maqedonia e Veriut 2:2
Gjermani – Armeni 6:0
Rumania – Litenshtajni 2:0
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
