Të paktën 58 persona kanë mbetur të vdekur, pasi roja bregdetare italiane ka gjetur një anije të përmbysur, e cila kishte në bord emigrantë të jashtëligjshëm.
Ngjarja ka ndodhur pranë qytetit bregdetar të Crotone-s në rajonin e Calabria-s, siç ka bërë me dije media shtetërore italiane RAI, kur dyshohet se numri i personave në bordin e anijes, ka qenë më shumë se 100 syresh.
“Nga mesi i mëngjesit, rreth 40 të mbijetuar ishin gjetur”, tha Luca Cari, një zëdhënës i zjarrfikësve që ishin përfshirë në përpjekjet e shpëtimit.
“Për momentin ka viktima të ndryshme”, tha ai, pa specifikuar numrin e të vdekurve pasi përpjekjet e shpëtimit ishin ende duke u zhvilluar.
Agjencia italiane e lajmeve “AGI” bëri të ditur numrin e trupave të gjetur dhe tha se një foshnjë disa muajshe ishte mes të vdekurve.
Raporti i radios tha se anijet nga roja bregdetare, policia kufitare dhe zjarrfikësit ishin të përfshirë në përpjekjet e shpëtimit.
Roja bregdetare nuk ishte menjëherë e disponueshme për më shumë detaje.
Detaje për kombësitë e emigrantëve nuk janë dhënë menjëherë në raporte.
Nuk ishte menjëherë e qartë se nga ishte nisur anija, por anijet e emigrantëve që mbërrinin në Kalabri nisen kryesisht nga brigjet turke apo egjiptiane.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Vladimir Putin shkuli zemrën e një dreri për t’ia dhënë Silvio Berlusconit
-
Basha i reagon Gutierrezit: Me “boll më” mund t’u drejtohesh veç fëmijëve – unë jam deputet i pavarur në mendime
-
Marrëveshja e mbrojtjes me Arabinë Saudite nuk është e mundur pa normalizimin me Izraelin, thonë SHBA-të
-
Pjesëmarrje masive në tubimin qendror të Frontit Evropian në Tetovë
Lajmet kryesore
-
Pjesëmarrje masive në tubimin qendror të Frontit Evropian në Tetovë
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Marrëveshja e mbrojtjes me Arabinë Saudite nuk është e mundur pa normalizimin me Izraelin, thonë SHBA-të
-
Mesazhi i Kurtit në 75-vjetorin e Këshillit të Evropës: Kosova – vend që plotëson kriteret e anëtarësimit