Joan Jordan ka rinovuar kontratën me Sevilla-n edhe për pesë vite tjera.
Futbollisti i cili iu bashkua andaluzëve dy vite e gjysëm më parë nga Eibar, do të qëndrojë në “Sanchez Pizjuan” të paktën edhe për pesë vite tjera.
Gjatë mëngjesit të sotëm, ai ka arritur marrëveshjen me klubin – duke zgjatur një marrëdhënie tejet të lumtur.
Jordan konsiderohet si shtyllë e skuadrës, dhe është i paprekshëm për trajnerin spanjoll Julen Lopetegui.
Që nga ardhja e tij në Andaluzi, asnjë futbollist nuk ka luajtur më shumë ndeshje se ai.
Jordan ka 129 paraqitje në total me Sevilla-n, nga të cilat 32 vetëm këtë sezon.
Pra, gjatë këtij sezoni, Jordan ka luajtur secilën ndeshje me klubin e tij.
Joan Jordan është vetëm një nga lista e rinovimeve të andaluzëve, pas Diego Carlos dhe Ocampos.
Skuadra që ndodhet në vendin e dytë në La Liga, në luftë serioze për titull, synon që të mbyllë rinovimet tjera së shpejti.
Synim ata i kanë Rafa Mir dhe portierin Bonnou, për të krijuar një skuadër që do të jetë gjithnjë konkurruese për titujt më të rëndësishëm në Spanjë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës