Senatorja amerikane, Jeanne Shaheen, në një konferencë të përbashkët për media pas takimit me Presidente e Kosovës, Vjosa Osmani, ka nënvizuar faktin se senati e mbështet rrugën e Kosovës drejt anëtarësimit në NATO dhe atë të Bashkimit Evropian.
Për senatoren është e rëndësishme mbështetja e Kosovës.
Shaheen, ka bërë të ditur se gjatë ditës së enjte së bashku edhe me senatorët e tjerë kanë vizituar kampin Bondsteel, për t’u njoftuar nga afër me situatën e sigurisë në vend e më gjerë.
“Jemi këtu si pjesë e miqësisë që kanë SHBA-ja dhe Kosova sepse i kemi vlerat e përbashkëta. E vlerësojmë përkushtimin e këtij vendit dhe i mirëpresim aspiratat e Kosovës për të qenë pjesë e NATO-s”.
“Po ashtu përkrahim aspiratat për të lëvizur drejtë partneritetit tuaj me BE-në. Ne i ndajmë edhe shqetësimet e juaja për vendin dhe rajonin në kohën e tanishme që jemi. Për këtë arsye shkuam në kampin Bondsteel për t’u njoftuar nga afër me situatën nga ushtarët amerikanë, është e rëndësishme që të ruhet siguria e vendit dhe rajonit”, ka thënë Shaheen.
Në anën tjetër, Presidentja e Kosovës, Vjosa Osmani, në konferencën e përbashkët me senatoren Jeanne Shaheen, ka potencuar se kontinenti evropian është nën kërcënim të destabilizimit nga Rusia.
Ajo madje ka bërë të ditur se ka informuar senatorët për rolin destruktiv që Serbia po vazhdon ta luaj në Ballkan si aleat i Rusisë.
“Nuk është sekret që rendi I sigurisë brenda kontinentit evropian është nën kërcënim. Ka pasur dhe vazhdon të ketë një interesim serioz nga Rusia që ta destabilizojë kontinentin dhe rajonin tonë”, ka thënë Osmani.
Osmani, ka theksuar më tej se beson fuqishëm në bashkëpunimin me SHBA-të në atë mënyrë që të ndalohet ndikimi malinj i Rusisë.
“E para sepse ky është vullnet i popullit të Kosovës, si populli më pro amerikan dhe pro-NATO në botë. E dyta kam besim të plotë se kemi treguar deri më tani se kur punojmë së bashku me SHBA-të mund të arrijmë gjithçka”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Reforma e inspektimeve, Rama: Krijojmë një forcë të re autonome të shkëputur nga ministritë
-
Vokshi takon Nikollën për të zgjidhur ngërçin e Komisionit hetimor të Shëndetësisë
-
Për shkak të presionit për Asociacionin Kurti po dëshiron të ikë nga qeverisja duke e futur opozitën në lojë, thotë Hoti
-
Dikur ftonte të votohej Joe Biden, tash Kurtit i ndryshojnë preferencat politike në Amerikë
Lajmet kryesore
-
LDK-ja s’e pranon “instrumentalizimin” e opozitës: Dorëheqja e Kurtit duhet t’i paraprijë datës së zgjedhjeve
-
Shtyhet – sërish – seanca për Berishën në GJKKO
-
Sulm në autokolonën e burgut, dy oficerë francezë të vrarë në një pritë pranë Normandisë
-
Dikur ftonte të votohej Joe Biden, tash Kurtit i ndryshojnë preferencat politike në Amerikë