‘Seksi i dytë’ nga ikona feminizmit, Simone de Beauvoir

Nëse do të duhej të bënim një listë të librave që duhej lexuar para se të largoheni nga kjo jetë, ‘Seksi i Dytë’ do të ishte patjetër në të.

Jo, lexues të rinj, nuk ka asgjë seksuale në të, megjithëse autorja i referohet seksualitetit titulli i referohet gjinisë femërore e cila u konsiderua një seks i klasit të dytë.

Shpresoj që shumica prej jush të keni dëgjuar për Simone de Beauvoir pasi ajo është një person i rëndësishëm i shekullit të 20-të, por edhe nëse nuk keni lexuar për të, sot do të mësoni më shumë rreth saj.

Për të kuptuar këtë libër është thelbësore të njohim historikun dhe besimet e shkrimtarit.

Simone de Beauvoir

E lindur në Paris në 1908-n, vetëm 10 vjet para se gratë të lejoheshin të zgjidheshin në parlament në Mbretërinë e Bashkuar dhe dekada para se gratë të lejoheshin të votonin në Francë në 1944-n.

Së bashku me të qenit një femër mendimtare kritike, de Beauvoir, ishte gjithashtu një ‘shkrimtare femër’.

Pikërisht fakti që ajo duhej të specifikonte gjininë ishte shtysa që e bëri atë të shkruante seksin e dytë në 1945-n.

Shkrimtarja franceze lindi në Paris në vitin 1908. Që në moshë të re ajo njihet me J.P. Sartre dhe mbetet shoqja e tij deri në fund të jetës.

Ajo ndikohet nga mendimi filozofik i Sartrit dhe krejt vepra e saj është me frymë ekzistencialiste.

Simone de Beauvoir shkruan romane, ese, romane, pjesë për teatrin, kujtime.

Ajo i mëshon në veprën e saj kërkimit të moralit të vërtetë dhe kritikës ndaj traditës dhe konformizmit.

Gjatë gjithë jetës krijuese ajo synon të shkruajë vepra kuptimplote dhe pavarësisht nga gjinia- roman, ese, vepër autobiografike apo teatrale- shkrimet e saj janë morale dhe filozofike.

Megjithëse ajo nuk e konsideronte veten një filozofe, ajo kishte një ndikim të rëndësishëm në ekzistencializmin feminist dhe teorinë feministe.

Seksi i Dytë, një libër që pasqyron të ashtuquajturën valë e dytë e feminizmit

De Beauvoir demonstron arsyetimin e saj logjik në lidhje me perceptimin e seksit femër nga burra dhe gra, meshkuj dhe femra.

Për të, ekziston një ndryshim i veçantë midis termave femër dhe grua.

Sidoqoftë, më e rëndësishmja Beauvoir besonte se këto perceptime mbi gjininë nuk janë të trashëguara biologjikisht, por ato janë ‘imponuar’ për ne nga shoqëria në të cilën jetojmë.

Ky botim i veçantë përmban ekstrakte nga libri origjinal, kështu që është një zgjedhje e shkëlqyeshme për adoleshentët e moshuar që janë të interesuar jo vetëm në barazinë gjinore por në filozofi në përgjithësi.

Do të ishte e pamundur të analizohej vlera e arsyetimit të Beauvoir në një përmbledhje, për këtë arsye më shumë ky shkrim përqendrohet në arsyen se pse ky është një libër që duhet ta lexoni patjetër.

Vetëm disa ditë më parë Carey Mulligan deklaroi në një intervistë të sajin për filmin në ‘The Guardian’ se ‘industria e filmit është masivisht seksiste’.

Kemi arritur në një pikë ku termi feminizëm është bërë më konfuz se kurrë.

Ajo që është megjithatë shqetëson është se njerëzit priren të lidhin feminizmin me urrejtjen ndaj burrave.

Pastaj kemi fushata të tilla si ‘HeforShe’ të cilat vetëm me titullin e tyre është e lehtë të thuash se ato janë shumë të diskutueshme, por edhe shërbejnë për të na kujtuar se problemi është ende prezent.

Seksi i Dytë ofron një zgjidhje në stilin e ‘kthimit te gjërat themelore( kthimin në origjinë)’. Sa herë që jemi bllokuar në një problem, ne priremi ta shikojmë atë që nga fillimi.

Në këtë rast Seksi i Dytë shërben si rrënja të cilës duhet t’i drejtohemi për ndihmë.

Në mënyrë që të kuptojmë problemet e shoqërisë sonë të lidhura me seksin, duhet të rikthehemi në pikën që filloi gjithçka.

Simone de Beauvoir jua ofron këtë shans përmes kryeveprës së saj, prandaj mos prisni më, kapni shansin dhe lexojeni!

Referuar: Book review- The Guardian, The New York Times

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.