Parashikimet për një rritje të lartë ekonomike post-pandemi janë tashmë veçse një vegim i largët i asaj çfarë pritej në vitin 2022.
Sipas raportit të fundit të Bankës Botërore mbi perspektivat ekonomike globale, rritja në Shqipëri do të ndalet në shifrat e 3.2% gjatë vitit 2022, duke pësuar kështu një tjetër ulje me 0.6% pikë prej raportit të janarit.
Parashikimet për vitin 2023 janë po ashtu të ulur në perspektivë, pasi ajo pritet të jetë në kuotën e 3.5%. Pra, 02.% më pak prej raportit të mëparshëm.
Gjithsesi, skenari i Shqipërisë paraqitet edhe optimist në këtë rast, pasi për disa vende, parashikimi paraqet edhe recesion.
Në tërësi, rritja globale pritet të bjerë në 2.9% gjatë vitit 2022, prej 5.7% që ishte në vitin 2021. Parashikimi i mëparshëm i janarit e jepte ekonominë botërore në një kuotë rritjeje prej 4.1%.
Mirëpo, lufta në Ukrainë, e ka vulosur se shifra të tilla nuk do të ketë.
Rritje po kaq e ngadaltë pritet të jetë ajo ekonomike deri në fund të vitit 2024, pikë deri kur mendohet se do të zgjasin efektet ekonomike pas-luftë (të paktën deri me skenarët e tanishëm).
Inflacioni shumë i lartë mbetet ndër sfidat më të mëdha aktuale të ekonomisë, me skenarë të ngjashëm me atë të viteve 1970, kur ekonomia botërore ra në një fenomen të njohur si staglafion, i cili shkaktoi një varg krizash financiare në tregjet dhe në ekonomitë në zhvillim.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Shtyhet – sërish – seanca për Berishën në GJKKO
-
Nikolla rikonfirmon angazhimin e Shqipërisë në PABSEC: Kontributore e paqes
-
Tensionohet protesta e opozitës përpara Bashkisë – Demokstruesit kërkojnë të çajnë rrethimin, vijojnë molotovët
-
SPAK sekuestron mbi 3 milionë euro pasuri të ish-shefit të Operacionales, Oltion Bistri
Lajmet kryesore
-
LDK-ja s’e pranon “instrumentalizimin” e opozitës: Dorëheqja e Kurtit duhet t’i paraprijë datës së zgjedhjeve
-
SPAK sekuestron mbi 3 milionë euro pasuri të ish-shefit të Operacionales, Oltion Bistri
-
Sulm në autokolonën e burgut, dy oficerë francezë të vrarë në një pritë pranë Normandisë
-
Blinken i thotë Zelenskyt se ndihma ushtarake amerikane është rrugës