Ronaldo me një nënshkrim bëhet miliarder

Cristiano Ronaldo mund të nënshkruajë me skuadrën nga Arabia Saudite, Al Nassr, për shtatë vjet.

Para disa javësh, u raportua që portugezi do nënshkruante me klubin nga Arabia Saudite, por Ronaldo i demantoi këto thashetheme.

Megjithatë, marrëveshja mund të bëhet zyrtare sot, të enjten, më 22 dhjetor, ose menjëherë pas kësaj, pasi Cristiano të vendosë të shkojë në Riad për të nënshkruar një kontratë që do ta lidh atë me Al Nassr dhe Arabinë Saudite deri në vitin 2030.

Dy vjet e gjysmë do të jenë si lojtar dhe pjesa tjetër si ambasador për ofertën e Arabisë Saudite së bashku me Egjiptin dhe Greqinë për të pritur Kupën e Botës 2030.

Për dy javët e fundit, sulmuesi ka menduar për opsionet dhe megjithëse ishte në dijeni të marrëveshjes, ai kërkoi pak kohë para se të nënshkruante për një angazhim të marrë pas largimit të tij nga Manchester United.

Takimet janë zhvilluar javët e fundit, por ishte në fillim të kësaj jave që Al Nassr gjeti një mënyrë për të formësuar marrëveshjen. Al Nassr do të lirojë deri në tre lojtarë të cilët do të ndihmojnë për të siguruar që prania e CR7 të mos prishë kontrollin financiar. Masharipov dhe Pitty Martinez janë dy kandidatët për t’u larguar.

Që në fillim është folur për 200 milionë euro për secilin prej sezoneve. Siç ka mësuar MARCA, kjo shumë i referohet dy viteve e gjysmë si futbollist, shumë që do të rritet kur ai të bëhet ambasador për organizimin e Botërorit.

Nënshkrimi me Al Nassr do të nënkuptojë lamtumirën e Cristiano Ronaldo-s me futbollin elitar, të paktën në garat e klubeve.

Ai nuk ka gjetur një shtëpi të re në Evropë dhe me marrëveshjen e tij do të ndihet sërish si lider dhe pikë referimi, ndonëse larg nivelit të lartë.

Klubi arab tashmë e pranon marrëveshjen, diçka që ata e kishin mohuar në mënyrë aktive.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.