Reagon Pacolli për restaurimin e shtëpisë së Xhafer Devës – “Duhet të vlerësohet nga historianët”

Ish-ministri i Punëve të Jashtme të Kosovës si dhe kreu i partisë Aleanca Kosova e Re (AKR), Behgjet Pacolli, ka reaguar në lidhje me restaurimin e shtëpisë së Xhafer Devës nga Ministria e Kulturës si objekt me trashëgimi të veçantë kulturore.

Sipas Pacollit, shtëpia e Xhafer Devës duhet të vlerësohet nga historianët.

“Xhafer Deva duhet të vlerësohet nga historianët, jo nga ata që nuk flasin kurrë për krimet e komunizmit ndaj shqiptarëve si masakra e Tivarit, vrasja e Shaban Polluzhës dhe spastrimi etnik në Kosovën e pas vitit 1945. Deva sulmohet nga narrativa serbe, e cila nuk është e Kosovës”, ka shkruar Pacolli në Twitter.

Xhafer Deva must be assessed by historians, not by those who never speak out for the crimes of communism against Albanians as the massacre of Tivat, killing of Shaban Polluzha & ethnic cleansing in post-1945 Kosovo. Deva is attacked by Serbian narrative, which is not Kosovo’s.

— Behgjet Pacolli (@pacollibehgjet) February 7, 2022

Edhe, ambasadori i Gjermanisë në Kosovë, Jorn Rhode, ka reaguar i “shqetësuar” në lidhje me restaurimin e shtëpisë së Devës.

Ai shkroi se Xhafer Deva ishte “një bashkëpunuesi/protagonisti të njohur me nazistët i grupit famëkeq SS Skanderbeg”, dhe se nuk duhet të “shpërlahet historia”.

“Mos e shpërfytyroni të vërtetën për Holokaustin ose krimet e luftës të kryera nga nazistët dhe bashkëpunëtorët lokalë. Por, mbroni faktet”, shkroi ai në Twitter.

Memory culture and preserving cultural heritage must be taken as opportunities to deal with the past in an open, truthful way. The German Embassy is ready to support any reasonable approach to memory culture in Kosovo

— Ambassador Jörn Rohde (@GermanAmbKOS) February 7, 2022

Ambasadori gjerman në Kosovë gjithashtu tha se “kultura e kujtesës dhe ruajtja e trashëgimisë kulturore duhet të jetë mundësi për t’u përballur me të kaluarën në një mënyrë të hapur dhe të vërtetë”.

Rhode u shpreh se ambasada gjermane është e gatshme të mbështesë cilëndo qasje “të arsyeshme” për të ruajtur kulturën e kujtesës në Kosovë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.