Zëdhënësi i Komisionit Qendror Zgjedhor, Valmir Elezi, përmes një komunikate për media ka bërë të ditur se raundi i dytë i Zgjedhjeve Lokaleve në Kosovë, që pritet të mbahet të dielën e 14 nëntorit do të organizohet në 1 mijë e 638 vendvotime nga 2 mijë e 477.
Sipas tij numri i qytetarëve me të drejtë vote në raundin e dytë, e që u takojnë 21 komunave, është 1 një milion 260 mijë e 571 apo 624 mijë e 887 më pak krahasuar me numrin e votuesve të certifikuar në raundin e parë për zgjedhjet në 38 komuna.
“Kjo është harta e raundit të dytë të Zgjedhjeve për Kryetarë të 21 Komunave, që do të mbahet këtë të diele, më 14 nëntor 2021. Harta tregon se nga aspekti organizativ procesi i votimit do të mbahet në 66% të vendvotimeve apo në 1 mijë e 638 nga 2 mijë e 477”, ka thënë Elezi.
KQZ, në mbledhjen e tij të radhës me tre nëntor të këtij viti kishte shpallur rezultatet përfundimtare për Asamblet Komunale.
Kështu bazuar në të dhënat e KQZ-së, Lidhja Demokratike e Kosovës ka arritur të marrë 170 mijë vota duke u bërë partia më e votuar në Zgjedhjet Lokale.
Ndërsa Lëvizja Vetëvendosje ka siguruar 193 ulëse në Kuvendet Komunale duke arritur të grumbullojë 168 mijë e 84 vota.
Në anën tjetër Partia Demokratike e Kosovës ka dalë si partia e tretë në këto Zgjedhjet Lokale duke akumuluar 161 mijë e 645 vota.
Aleanca për Ardhmërinë e Kosovës që ka marrë 9 mijë e 863 vota në tërë vendin do të ketë 120 asamblistë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Pse Putin e ka hequr aleatin nga posti i ministrit të Mbrojtjes së Rusisë?
-
Von der Leyen injoron të djathtën në Itali, takohet me Tajanin ndërsa eviton Melonin
-
Arrestohet trafikanti më i kërkuar i qenieve njerëzore në Evropë
-
Muhaxheri: Sveçla është në koordinim me Serbinë për sa i përket konfiskimit të armatimit në Veri
Lajmet kryesore
-
Policia konfiskon armë në Veri, i dyshuar është një ish-zyrtar policor
-
Wisner nga Kukësi: Presim përparim për hidrocentralin e Skavicës
-
Von der Leyen injoron të djathtën në Itali, takohet me Tajanin ndërsa eviton Melonin
-
Pas kërkesës së Bardhit, SPAK cakton 24 majin për dëshminë e tij lidhur me dosjen ‘Xibraka’