Rashford, një nga objektivat kryesor të merkatos së janarit për Barcelonën

Barcelona mund të bëjë një lëvizje të papritur për sulmuesin e Manchester United, Marcus Rashford, pasi trajneri Xavi Hernandez kërkon të forcojë opsionet e tij sulmuese.

24-vjeçari nuk ka arritur të vendoset si një lojtar i rregullt në formacionin fillestar në Old Trafford këtë sezon, gjë që ka bërë që ai të konsiderojë të ardhmen e tij në një klub tjetër.

Sipas agjencisë spanjolle të lajmeve EFE, Rashford do të ishte i hapur ndaj idesë së një lëvizjeje të mundshme te Barcelona.

Manchester United ka opsione të shumta sulmuese këtë sezon pas një merkatoje të ngarkuar të transferimeve verore, dhe Rashford mund të joshet nga një largim për të provuar të marrë më shumë kohë për të luajtur, veçanërisht me Kupën e Botës të Katarit 2022 në horizont.

Marrëveshja e tij aktuale me Manchester United skadon në qershor të vitit 2023, megjithëse ekziston një opsion për ta zgjatur atë edhe për një vit tjetër.

Rashford mund të jetë pika qendrore në skuadrën e re të Barcelonës së Xavi-t, nëse marrëveshja ndodh.

Në mënyrë të pabesueshme, Rashford ka bërë tashmë 283 paraqitje në ekipin e parë të Manchester United, kohë në të cilën ai ka shënuar 91 gola dhe ka dhënë 57 asistime.

Rashford potencialisht mund të ndjekë gjurmët e Jadon Sancho, Jude Bellingham dhe Kieran Trippier në largimin nga Anglia dhe për të bërë një lëvizje jashtë vendit.

Nëse Rashford do të përfundonte t’i bashkohej Barcelonës, ai do të bëhej anglezi i parë që do të luante për klubin që nga Gary Lineker, i cili u transferua në Camp Nou mes viteve 1986 dhe 1989.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.