Në “Ditën e Rusisë”, që festohet çdo 12 qershor, përkujtohet shpallja e pavarësisë së Federatës Ruse pas shpërbërjes së Bashkimit Sovjetik.
Duke marrë shkas nga kjo ditë e shënuar, Presidenti rus, Vladimir Putin dha Çmimin Shtetëror 2020 për Shkencë dhe Teknologji krijuesve të vaksinës ruse, Sputnik V.
“Fuqia e shkencës ruse u zbulua qartë vitin e kaluar, kur njerëzit në të gjithë botën prisnin që shkencëtarët t’i shpëtonin nga pandemia e coronavirus-it. Dhe studiuesit tanë arritën të krijojnë vaksinën e sigurt dhe efektive Sputnik V në kohë rekord”, tha Putin gjatë ceremonisë së ndarjes së çmimeve.
Putin dha çmimin për drejtorin e Qendrës Gamaleya për Epidemiologji dhe Mikrobiologji, Alexandr Guintsburg; nëndrejtorin shkencor, Denís Logunóf dhe kreun e Qendrës së Kërkimit të Mbrojtjes Radiokimike të Forcave të Armatosura Ruse, Sergei Borisevich.
Sipas Putin, ky është një triumf, që i lejoi Rusisë jo vetëm siguri dhe garanci brenda vendit, por edhe për vendet e tjera.
“Kjo është një përgjegjësi e vendit tonë përpara të gjithë botës si një nga fuqitë kryesore shkencore”, tha ai.
Sipas presidentit rus, zhvillimet e shkencëtarëve rusë “hapin rrugën për krijimin e vaksinave të tjera të shumëpritura kundër shumë sëmundjeve të rrezikshme virale”.
Marrë dhe Përshtatur nga Reuters për Albanian Post
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Papa Françesku pret në Vatikan Presidentin Begaj, fokus rrugëtimi evropian dhe rajoni
-
Forcat e Armatosura i bashkohen operacionit për gjetjen e trupave të mbytur në lumin Buna
-
Konfindustria: Të ulet çmimi i karburantit, treg oligopol
-
Policia ka realizuar 95 operacione gjatë prillit, 120 shtetas të proceduar për dhunë në familje