Sipas presidentit rus, Vladimir Putin, plani kinez i paqes realisht mundet t’i sjellë fundin luftës në Ukrainë dhe të zhvillojë tratativa serioze paqeje.
Mirëpo, diçka të tillë, nuk e do Ukraina dhe Perëndimi.
Janë këto përfundimet e kreut të Kremlinit, pas vizitës që homologu i tij rus, Xi Jinping, zhvilloi në Moskë, pikërisht për të promovuar edhe planin e tij 12-pikësh, i cili e përfshin respektimin e sovranitetit territorial të vendeve, por pa specifikuar asnjë delimitim.
Kievi është i qartë dhe shumë herë është theksuar prej presidentit ukrainas, Volodymyr Zelensky, se pa tërheqjen e plotë të forcave ruse nga kufijtë e vendit të tij, nuk ka asnjë tryezë për bisedime.
Të qartë po ashtu janë edhe perëndimorët, të cilët plotësisht e mbështesin qëndrimin e Zelenskyt dhe i bëjnë ballë agresionit rus.
Luftimet nga ana tjetër vijojnë pa ndërprerje në disa fronte, ku sulmet e fundit kanë qenë të përqendruar në goditjet me dron.
Fillimisht, ka qenë pala ukrainase, ajo e cila sulmoi një vagon rus të transportit të municioneve, ku shkatërroi disa raketa.
Ndërsa, një ditë më pas, Moska menjëherë është kundërpërgjigjur, me sulme të mëdha në disa qytete, përfshi Kievin, ku dronët kamikazë iranianë janë vënë në përdorim.
Këta të fundit, në shumicën e rasteve, janë neutralizuar nga sistemet e mbrojtjes në Ukrainë dhe janë shkatërruar.
Por, sërish, thelbi i gjithë çështjes mbetet gjeopolitik, ku Perëndimi shqetësohet më së shumti nga ndikimi që Xi Jinping do të ketë në raport me Moskën, nëse ai do ta ndihmojë aleatin e tij, Putinin, apo do ta bindë t’i japë fund marrëzisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
“Barazia në urinim”: Gratë e Amsterdamit fitojnë luftën për më shumë tualete publike
-
Nagavci kërkon nga Jasharaj të jetë më i matur me deklaratat
-
“European Pravda”: Bislimi s’e përdori fjalinë “gati për luftë” në asnjë rast, pavarësisht se u pyet specifikisht për mundësinë e luftës
-
KPA shtyn shpalljen e vendimit për ankimimin e Komisionerit Publik ndaj Alfred Ballës
Lajmet kryesore
-
Ranucci tregon pse nuk u transmetua pjesa e dytë e ‘Report’ për Shqipërinë
-
I vunë tritol në banesë, KLGJ i cakton 6 muaj mbrojtje gjyqtarit Tonin Stërkaj
-
Celibashi i bën thirrje Kuvendit të vendosë për votën e diasporës
-
“European Pravda”: Bislimi s’e përdori fjalinë “gati për luftë” në asnjë rast, pavarësisht se u pyet specifikisht për mundësinë e luftës