Skuadra e PSG-së, pas transferimeve të bujshme në verën e kaluar, tashmë po kërkon të mbrojë yjet që ka pasur prej kohësh në skuadër.
Parizinët janë vënë në lëvizje për të rinovuar kontratën me kapitenin, Marquinhos-in. Braziliani ka kontratë në “Parc des Princes” deri në verën e 2024-ës.
Sipas “RMC Sports”, francezët kanë nisur kontaktet e para me agjentët e lojtarit 27-vjeçar. Qëllimi i PSG-së është ta mbajnë sa më gjatë në Paris qendërmbrojtësin.
Kohët e fundit është përfolur në media se ish-tekniku i PSG-së, Thomas Tuchel-i, po kërkon të bashkohet me Marquinhos-in tek Chelsea. Një gjë të tillë ka bërë edhe më herët me Thiago Silva-n.
Kapiteni ka që nga viti 2013 që është pjesë e PSG-së. Kohë kur u transferua për shifrën e 21 milionë eurove nga italianët e Roma-s.
Marquinhos-i numëron 340 paraqitje me fanellën e skuadrës franceze. Ai ka shënuar 34 gola dhe ka dhuruar nëntë asiste. Gjithashtu ka fituar 25 trofe në Francë: gjashtë tituj në Ligue 1, gjashtë Kupa, gjashtë Kupa Lige dhe shtatë Superkupa.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
PD-ja gati për zgjedhje, nis caktimi i drejtuesve të rinj të qarqeve
-
Çela në Komisionin e Ligjeve: Harta e re gjyqësore u zbatua me sukses, infrastruktura problem për t’u zgjidhur
-
Ish-spiuni i Policisë Sekrete të Kinës zbulon operacionet, që synojnë disidentët në Australi dhe jashtë saj
-
Osmani: BE-ja s’po na tregon çfarë të bëjmë për t’u anëtarësuar – ka krijuar bllokadë për çështje të brendshme politike