Prokurori në Prokurorinë e Rrethit Gjyqësor Durrës, Ilir Turja është shkarkuar të hënën e 7 nëntorit nga Komisioni i Pavarur i Kualifikimit.
Trupa gjykuese përbëhej nga Brunilda Bekteshi, Roland Ilia dhe Pamela Qirko.
Në cilësinë e vëzhguesit ndërkombëtar ishte i pranishëm Steven Kessler.
Prokurori i Durrësit u përball të enjten e 3 nëntorit me KPK-në.
Gjatë seancës dëgjimore, prokurori kundërshtoi analizën financiare që e kishte nxjerrë me mungesa të mëdha financiare.
Kjo, për ndërtimin e një objekti të regjistruar në emrin e babait të tij në vendin e quajtur “Plazhi i Durrësit”, si dhe dyshimet për fshehje të kësaj pasurie në emër të familjarëve.
Sipas BIRN-it, komisioni nuk konstatoi më herët probleme për aspektin profesional, ndërkohë që nuk u njoftua ndonjë gjetje në kriterin e pastërtisë së figurës.
Kjo, lidhur me informacionet e siguruara prej Drejtorisë së Sigurimit të Informacionit të Klasifikuar, DSIK pas përditësimit të raportit.
Në të ngriheshin dyshime për veprime korruptive në një çështje.
Ilir Turja e ka nisur karrierën në sistemin e drejtësisë në vitin 1995.
Ai punonte prej më shumë se dy dekadash si prokuror në Prokurorinë e Rrethit Gjyqësor Durrës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”
