Fitorja e jashtëzakonshme e Përparim Ramës nga Lidhja Demokratike e Kosovës në Prishtinë mund të mbetet vetëm si një moment elektoral suksesi dhe asgjë më shumë, nëse në mbledhjen e Asamblesë Komunale që mbahet këtë të mërkurë dështon të votohet kryesuesi i Kuvendit.
7 janari është afati i fundit sipas ligjit që mund të bëhet ky votim, meqë bëhen 30 ditë që kur Rama është betuar si kryetar i Prishtinës.
Po ashtu, në të njëjtën ditë janë betuar anëtarët e Kuvendit Komunal.
Sipas Ligjit për Qeverisje Lokale, kryesuesi duhet të zgjidhet brenda 30 ditëve pas betimit të anëtarëve të Kuvendit Komunal.
Nëse zgjedhja e kryesuesit të Kuvendit Komunal dështon, atëherë në kryeqytet do të ketë zgjedhje të jashtëzakonshme për Asamblenë Komunale dhe Rama për të qeverisur do të duhet të pres rezultatin e këtyre zgjedhjeve, duke shpresuar në fitore të LDK-së.
Kuvendi Komunal i Prishtinës ka 51 ulëse dhe ndryshe nga fitorja e Ramës për kryetar, për të cilin votohet ndaras, LDK-ja doli e dyta pas Lëvizjes Vetëvendosje, me vetëm 14 asamblistë.
VV ka 17, derisa Partia Demokratike e Kosovës nëntë e Aleanca për Ardhmërinë e Kosovës gjashtë.
LDK-së për të qeverisur komodë i duhen së paku 26 ulëse, për të arritur shumicën e thjesht. Por, të paktën deri tani, nuk është njoftuar për ndonjë koalicion të madh që ia siguron kësaj partie 26 asamblistë.
Po që se nuk arrihen, atëherë Kuvendi Komunal, si i vetëm, shkon në zgjedhje të jashtëzakonshme për të ri-ngjyrosur politikisht karriget në Asamble.
Përparim Rama i fitoi zgjedhjet për kryetar Komune në raundin e dytë, në një garë jashtëzakonisht të ngushtë me favoritin para zgjedhjeve, Arben Vitinë e LVV-së.
Rama madje kishte humbur në raundin e parë duke fituar vetëm 29 për qind, në raport me fituesin e këtij raundi, Arben Vitinë, i cili mori 42 për qind.
Balotazhi prodhoi një rikthim sensacional të Ramës, duke përmbysur 11 mijën e 566 vota.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE
-
Mes tensioneve për Gazën, shtyhet vizita e Erdogan në Shtëpinë e Bardhë
-
Thaçi: Ëndrra ime është që të gjithë shqiptarët të jetojnë në një shtet
-
Vaksinat e personalizuara mRNA për melanomën hyjnë në fazën e re të provës
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE