Presidenca suedeze e Këshillit të BE-së: Kosovarët do të mund të qëndrojnë 90 ditë, pas çdo 180 ditësh në Evropë
Lajmin për kalimin në lexim të parë të propozimit për lëvizje të lirë për kosovarët, e ka bërë publik edhe Suedia të cilët kryesojnë me Presidencën e Këshillit të Bashkimit Evropian.
“Sot, Këshilli pranoi pozicionin e tij në lexim të parë për lëvizje pa viza për mbajtësit e pasaportave të Kosovës”, shkruan zyra suedeze presidenciale e Këshillit të BE-së në Twitter.
Përveç kësaj, presidenca ka dhënë edhe një detaj të rëndësishëm rreth kësaj mundësie të lëvizjes pa viza për shtetin e Kosovës.
“Rregullat e reja do t’u lejojnë mbajtësve të pasaportave të Kosovës të udhëtojnë në BE pa viza për një periudhë qëndrimi prej 90 ditësh në çdo periudhë prej 180 ditësh”.
Të gjithë qytetarët të cilët kanë pasaportë të Kosovës do të mund të lëvizin pa viza në territorin e Bashkimit Evropian, pasi që ky propozim të kaloj në Parlamentin e Evropës dhe data nga kur kjo mund të ndodhë, do të vendoset nga Sistemi Europian i Informacionit dhe Autorizimit për Udhëtim (ETIAS), ose më një janar të vitit 2024.
Today, the Council adopted its position at first reading on visa free travel for holders of passports issued by Kosovo. The new rules will allow Kosovo passport holders to travel to the EU without a visa for a period of stay of 90 days in any 180-day period. #EU2023SE
(1/2)
— Swedish Presidency of the Council of the EU (@sweden2023eu) March 9, 2023
Eurodeputeti holandez dhe njëherit raportuesi për çështjen e liberalizimit të vizave për Kosovën, Thijs Reuten, votimin unanim për lëvizje pa viza për kosovarët e ka quajtur “hap të rëndësishëm”.
“Unë mirëpres këtë vendim të shteteve anëtare”, ka shkruar ai në Twitter.
Pas votimit në komitetin e punëve të brendshme dhe më pas në Parlamentin Evropian, së paku nga data një janar 2024, “Kosova do të fitojë lëvizje pa viza që i takon në mënyrë të merituar dhe të pritur prej kohësh”, ka përfunduar Reuten.
Important step! I welcome this decision by the member states. Coming up soon: vote in the home affairs committee and then in the European Parliament’s plenary. At the latest at 1 January 2024 Kosovo will get the well deserved and long overdue visa free travel. 🇪🇺🤝🇽🇰 https://t.co/4eT7FDpiu8
— Thijs Reuten 🇪🇺🌹 (@thijsreuten) March 9, 2023
Për eurodeputetin austriak, Lukas Mandl, ky vendim për kosovarët është i vonuar.
“Ne kemi arsye të jemi të lumtur”, ka shkruar Mandl në Twitter.
“Por, ne gjithashtu duhet të pyesim pse disa vendime që bëjnë jetën më të lehtë për shumë njerëz dhe nuk do të dëmtonin askënd, ndonjëherë marrin aq kohë në BE”, ka thënë ai.
“Ne duhet të tejkalojmë këto qasje ideologjike. Le të shërbejmë Evropën dhe evropianët”, ka përfunduar cicërimën e tij në Twitter, eurodeputetin austriak, Lukas Mandl.
This is long overdue. We have reasons to be happy. But we also have to wonder why some decisions which make life better for many & would harm nobody sometimes take so long in EU. We have to overcome such ideological approaches. Let‘s serve Europe & the Europeans. #Kosova #Kosovo https://t.co/ymA7YjnHH9
— Lukas Mandl (@lukasmandl) March 9, 2023
Me 26 vota për, asnjë kundër dhe asnjë abstenim, ka kaluar propozimi për liberalizimin e Vizave për Kosovën, në Këshillin e Ministrave të Bashkimit Evropian për Çështje të Drejtësisë dhe të Punëve të Brendshme, në takimin që u mbajt këtë të enjte.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com